O Boletín de Emprego de Sanxenxo conta con máis de 500 ofertas de traballo para a tempada estival
Por Oskar Viéitez
A mellora da situación sanitaria e o arranque da actividade turística disparou a demanda de emprego no municipio. O Boletín de Emprego de Sanxenxo rexistra máis de 500 ofertas, a maioría relacionadas co sector servizos.
Axudantes de cociña, cociñeiros e camareiros son as ofertas que máis se repiten nestes últimos días para incorporación inmediata.
A pesar de que algúns establecementos xa abriron a pasada Semana Santa e na ponte das Letras Galegas, a demanda de emprego concentrouse no verán.
As ofertas recollidas no boletín, actualizado semanalmente desde o departamento de Emprego, poden consultarse na páxina web do Concello de Sanxenxo, así como nos Facebook do Concello e de Emprego de Sanxenxo.
Outras ofertas de emprego recollida no boletín están relacionadas co sector náutico, a construción, a limpeza e o coidado de persoas maiores, pero en todos os casos repítese a inmediatez na incorporación.
Relacionadas:
-
Sanxenxo celebra os bos datos de consumo e a redución do desemprego
Por Redacción |
-
O paro cae en Pontevedra por quinto mes consecutivo e sitúa en 5.288 o número de desempregados
Por Alejandro Espiño |
-
Pontevedra xa ten menos desempregados que antes da pandemia
Por Oskar Viéitez & Alejandro Espiño | Creada e actualizada