Comisións Obreiras culpa ao "afán privatizador" de Telmo Martín da ausencia de socorristas en Sanxenxo
Por Oskar Viéitez
Comisións Obreiras bótalle a culpa da ausencia de socorristas en Sanxenxo ao "afán privatizador" do alcalde Telmo Martín e pola "mala xestión" do seu equipo de goberno.
Segundo sinala este sindicato, a día de hoxe, das case cen persoas que integran o servizo de socorrismo, ningunha está incorporada ao posto de traballo. "O único que lle salva os mobles ao alcalde é o mal tempo destes días", apuntan.
Ata agora, o servizo de socorrismo prestábase a través da empresa pública Turismo de Sanxenxo. Porén, "o Concello tomou a mala decisión de privatizalo". Inicialmente, gañou o concurso unha empresa, "pero a que obtivo a segunda mellor puntuación presentou un recurso e acabouse facendo coa licitación".
Non obstante, segundo Comisións Obreiras, a "falta de axilidade" e de "capacidade de resolución" por parte do Concello "están deixando ao persoal tirado, porque non se acaba de formalizar o contrato".
O pasado 15 de xuño era a data na que se debían incorporar aos seus postos parte dos traballadores, pero non o puideron facer de momento. O resto deberían incorporarse o vindeiro 1 de xullo.
Comisións Obreiras urxe o Concello de Sanxenxo a que chame aos traballadores a que se incorporen ao seu posto de traballo.
Relacionadas:
-
Xornada de concentracións en defensa da sanidade pública e das limpadoras da sede de Tráfico
Por Redacción |
-
Caneliñas, Bascuas, Pragueira e Foxos tamén contan con socorristas
Por Redacción |
-
O servizo de socorrismo de Sanxenxo abre este venres en 6 praias
Por Redacción |
-
Sanxenxo, sen socorristas na data anunciada por un erro na licitación do servizo
Por Redacción |
-
Oitenta persoas integrarán este verán o servizo de salvamento de Sanxenxo
Por Redacción |
-
Os socialistas critican que o custe do servizo de socorrismo duplique a media dos últimos anos
Por Redacción |
-
A xestión do salvamento e socorrismo das praias de Sanxenxo irá a concurso público
Por Redacción |