O saneamento de Tivo, en Caldas de Reis, supoñerá un investimento de 330.000 euros
Por Redacción
O proxecto para o saneamento dos núcleos poboacionais de Tivo, Os Barreiros e Castiños no Concello de Caldas de Reis, recibiu a aprobación este martes por parte da Deputación de Pontevedra, que achegará os 330.000 euros que custará a obra, financiada con fondos do Plan Concellos do ente provincial.
A actuación consiste na ampliación da rede de saneamento existente nestes lugares e na súa conexión coa depuradora de As Corticeiras. Unha vez aprobado o proxecto, o Concello inicia o procedemento administrativo de licitación co obxectivo de que as obras poidan comezar no menor tempo posible.
O mecanismo actual de decantador- digestor será substituído por un sistema de evacuación por gravidade ata as instalacións da depuradora. Ademais, a nova rede de saneamento discorrerá na súa totalidade por vías públicas, polo que non afectará a ningunha propiedade particiular.
"Máis aló desta importante intervención en Tivo, o Concello iniciará nos vindeiros meses obras e proxectos de saneamento de augas residuais cun investimento de máis de 1.200.000 euros grazas ao apoio económico da Deputación de Pontevedra a través do Plan Concellos", puntualizou o concelleiro de Medio Ambiente e Obras, Manuel González. Entre esoutros proxectos figuran o saneamento de Paraimas, en Paradela ou en lle Rúa Real de Caldas.
Pola súa banda, o alcalde Juan Manuel Rey quixo destacar "o compromiso do goberno municipal para levar o saneamento e a depuración de augas residuais á maioría de lugares do Concello, cuestión que supuxo o principal investimento municipal ao longo dos últimos anos".
Relacionadas:
-
Unha auditoría de Augas de Galicia certifica que a depuradora de Caldas cumpre coas normas europeas
Por Redacción |
-
A renovada Fonte de Tivo xa dá de beber aos peregrinos que pasan por Caldas
Por Redacción |
-
Caldas humanizará a área do Río Bermaña, do Campo da Torre e da Rúa San Roque
Por Redacción |
-
Caldas investirá preto de 200.000 euros no saneamento do lugar de Paraimas
Por Redacción |
-
Caldas investirá 372.000 euros no proxecto de saneamento entre Tivo e Corticeiras
Por Redacción |
-
Caldas solicita a colaboración de Augas de Galicia para completar o Plan de Saneamento
Por Redacción |