A Policía Local de Sanxenxo triplicará as patrullas para controlar as 163 fogueiras autorizadas
Por Oskar Viéitez
A Concellería de Medio Ambiente do Concello de Sanxenxo pechou este luns o prazo cun total de 163 peticións para realizar fogueiras de San Xoán e San Pedro.
Sanxenxo só autorizou este ano as fogueiras en leiras privadas debido á actual situación sanitaria e prohibe a realización destas en espazos públicos, incluídas as praias.
A Policía Local reforzará os controis co triplo de patrullas habituais durante as dúas noites de celebración. O obxectivo é evitar que se poidan organizar fogueiras en espazos nos que este ano debido ao Covid está prohibido ao non poder garantir a seguridade e o cumprimento das normas de distancia interpersoal.
Tamén o servizo de Emerxencias de Sanxenxo estará vixiante durante ambas as noites.
Relacionadas:
-
Ponte Caldelas autoriza 60 fogueiras para celebrar San Xoán e San Pedro
Por Redacción |
-
Poio chama a "extremar as precaucións" pola covid nas 130 fogueiras privadas previstas por San Xoán
Por Oskar Viéitez |
-
Dispáranse as solicitudes de particulares para facer fogueiras de San Xoán en Vilagarcía
Por Redacción |