A gran final dos Xogos Efecto PO2 entre barrios disputarase o sábado na praza de España
Por Redacción
Cinco barrios celebraron a anterior fin de semana unha xornada de xogos tradicionais coa participación de 40 familias, entre as que se atopaban 61 menores de 12 anos, que gozaron desa sesión festiva.
Agora, os gañadores daquela xornada terán que superar a gran final que se desenvolverá durante este sábado 26, entre as 11.00 e as 13.00 horas na praza de España. Esta final dos Xogos Efecto PO2 estaba prevista para o domingo pero as condicións meteorolóxicas adversas obrigaron a trasladala a este sábado.
Nesta ocasión, os participantes terán que enfrontarse a novas disciplinas lúdicas como a recollida de mazarocas, os esquís familiares, o xogo da corda ou a argola no tallo. Cada un dos equipos participantes representará ao barrio no que competiu durante a xornada anterior: Monte Porreiro, O Burgo, Pontevedra Leste, O Gorgullón e Campolongo.
Esta iniciativa forma parte das actividades programadas pola concellería de Promoción da Cidade, que dirixe Anabel Gulías, e busca que a cidadanía ocupe os espazos públicos a través de iniciativas participativas e lúdicas, destinadas ao público familiar coa intención de que relacionen distintas xeracións.
Relacionadas:
-
Corenta familias participan na estrea dos Xogos Efecto PO2
Por Alejandro Espiño & Cristina Saiz |
-
Cal é o mellor barrio de Pontevedra? A resposta saberase xogando na rúa
Por Oskar Viéitez |
-
Os xogos tradicionais da corda, o peletre e o pano ocuparán as rúas de cinco barrios o sábado 19
Por Mónica Patxot & Anxo Lourido |