O mercado de abastos de Pontevedra avanza na dixitalización e estrea unha web
Por Redacción
O mercado de abastos de Pontevedra dá un paso máis cara á súa dixitalización e modernización e desde este martes conta cunha nova páxina web, aloxada no dominio https://omercado.gal/.
A concelleira de Promoción Económica e Turismo, Yoya Blanco, destaca que a nova web é "sinxela e, ao mesmo tempo completísima" e supón "un novo paso adiante na dixitalización" e, polo tanto, na súa "adaptación aos novos tempos e demandas".
Yoya Blanco lembra que o proceso de desenvolvemento tecnolóxico acelerouse "tremendamente" por mor da pandemia e que traduciuse no nacemento de plataformas como E-Ponte.com e PonteAbastos.com, que "chegaron para quedar".
A nova web impulsouna a Concellería de Promoción Económica e Turismo e ten unha fácil navegación, dividida en varias seccións básicas a partir dunha pantalla principal que incorpora un calendario das actividades programadas polo Ganapán, o Gastroespazo e a praza de abastos.
Na páxina teñen un apartado especial o Espazo Gastro, coas diferentes propostas gastronómicas e establecementos que do andar superior; e tamén os talleres de lecer infantil de O Ganapán, co calendario de obradoiros programado (cos horarios das distintas actividades). 'Clickando' en cada un dos talleres pódese acceder a unha explicación do mesmo e ás normas de inscrición.
Tamén hai un apartado específico chamado 'A Praza' que informa dos postos e servizos existentes, fala a súa historia e incorpora un enlace directo á plataforma de venda do Mercado de Abastos: PonteAbastos.com.
O edificio situado na rúa Serra e a súa contorna e os servizos que se ofertan tamén teñen un oco na páxina, detallando as opcións de venda online, reparto a domicilio, aparcadoiro, acceso e WC para persoas con diversidade funcional, consignas frigoríficas con 24 neveiras e 4 conxeladores, cafeterías, servizo de restauración e terraza exterior.
Relacionadas:
-
Glovo suma á súa app a repartición de produtos frescos do Mercado de Abastos de Pontevedra
Por Diego Espiño |
-
Esixen unha reforma integral do Mercado ante as súas "manifiestas deficiencias"
Por Alejandro Espiño |
-
Obradoiros con receitas para chuchar os dedos, esta fin de semana no Ganapán do Mercado de Abastos
Por Redacción |
-
O PP critica que "se está dejando morir" ao espazo gastronómico do Mercado e presenta un plan para dinamizalo
Por Oskar Viéitez |
-
Catro días de actividades no Ganapán na ponte do 12 de outubro
Por Redacción |
-
O Ganapán abre o mes de setembro no Mercado con novas actividades
Por Redacción |
-
Este xoves estarán operativas as 16 novas bancadas adxudicadas no Mercado
Por Redacción |
-
O Mercado estrea un novo dispositivo para controlar o aforo en tempo real
Por Redacción |