Ludotecas e campamentos de verán volverán xogar e aprender coa compostaxe
Por Redacción
A Deputación de Pontevedra indica que se atopa aberto o prazo para que os Concellos soliciten actividades do Plan Revitaliza para as iniciativas destinadas a escolares que se programen durante este verán.
Segundo sinalan desde a institución provincial, xa se atopan programadas diversas charlas, xogos, talleres e contacontos en municipios como Barro, A Lama, Marín, Cambados ou Portas, entre outros.
Estas actividades destínanse a escolares de Infantil, Primaria e Secundaria que participen en ludotecas ou campamentos de verán durante estes meses estivais. O contido ofrece unha combinación teórica e práctica, coa análise da compostaxe de maneira lúdica para que os menores aprendan como funciona este sistema.
Nesta oferta gratuíta contémplanse actividades de gran éxito infantil como Os Bichocos, Microcompostaxe ou o Xogo da Miñoca, entre outras. Trabállanse en grupos reducidos para garantir a seguridade atendendo ás normas establecidas polas autoridades sanitarias e escolares, coa opción de realizar varios grupos durante unha mesma xornada.
A duración das actividades é dunha hora por grupo e adáptanse ás necesidades específicas de cada Concello.
Relacionadas:
-
As actividades do Revitaliza durante o verán achegaron a compostaxe a preto de 1.400 nenos
Por Redacción |
-
Os participantes na ludoteca de verán da Lama aprenden os segredos da compostaxe
Por Redacción |
-
A Deputación presenta o maior investimento da súa historia para "reactivar a provincia"
Por Oskar Viéitez |
-
Xa funciona o segundo centro de compostaxe comunitario da parroquia de San Salvador
Por Redacción |
-
Novas sesións sobre compostaxe nos centros educativos
Por Redacción |