As praias de Sanxenxo ya presumen das súas dezasete bandeiras azuis
Por Redacción
A praia de Silgar foi a primeira de Sanxenxo en estrear a súa nova bandeira azul, un distintivo que ao longo deste xoves izouse nos outros dezaseis areais que lograron renovar este recoñecemento de calidade ambiental.
Na que Telmo Martín definiu como a "praia urbana máis bonita do mundo", reuníronse autoridades e autonómicas, entre elas a conselleira de Medio Ambiente, Ángeles Vázquez, para destacar a Sanxenxo como referencia en materia de turismo sostible.
Nestas praias traballarán a diario este verán unhas 138 persoas, segundo sinalou o alcalde do municipio que, un ano máis, ten o maior número de bandeiras azuis en España.
Por iso, a este izado en Silgar acudiu o presidente de ADEAC, a asociación que concede anualmente estes distintivos. José Palacios asegurou que Sanxenxo é o "modelo para seguir" en seguridade, sustentabilidade e limpeza dos seus areais e portos deportivos.
"Moitos afirman que é moi difícil conseguir a bandeira azul, pero Sanxenxo demostra ano tras ano que é posible e que o segredo está en traballar a favor da calidade, a sustentabilidade e da seguridade de cidadáns, turistas e contorna", subliñou.
Xunto con Silgar, a bandeira azul ondeará na Lapa, Agra, Areas, Areas Gordas, Baltar, Bascuas, Canelas, Caneliñas, Espiñeiro, Foxos, Major, Montalvo, Nosa Señora da Lanzada, Panadeira, Paxariñas e Pragueira.
Ademais, recibírona os portos deportivos de Sanxenxo e Portonovo, o Real Club Náutico de Sanxenxo, a rede de sendeiros do municipio, composta por ata seis itinerarios diferentes, e o Centro de Interpretación As Telleiras.
Na súa intervención, a conselleira de Medio Ambiente, Territorio e Vivenda, Ángeles Vázquez, cualificou a Sanxenxo como un "abanderado" dos municipios turísticos sostibles, ao "equilibrar" o aproveitamento da súa riqueza natural coa súa "obrigada" conservación.
Relacionadas:
-
Pragueira ábrese este xoves ao baño mentres Bascuas aínda terá que agardar
Por Redacción |
-
Sanxenxo mellorará a seguridade nunha das saídas da praia de Canelas
Por Redacción |
-
30 establecementos turísticos de Sanxenxo recibiron axudas da Xunta para o incremento da calidade da oferta
Por Redacción |
-
Instalan un parque acuático na praia de Baltar e habilitan tres campos de voleibol e un de fútbol
Por Redacción |
-
Poio dá a benvida ao verán co izado da bandeira azul na praia de Cabeceira
Por Redacción |
-
Marín iza as súas Bandeiras Azuis
Por Redacción |
-
Panadeira súmase aos once areais de Sanxenxo co distintivo Q de calidade
Por Redacción |