Ponte Caldelas, Poio e Moraña renovarán alumeado público cunha nova achega do Ministerio de Transición Ecolóxica
Por Redacción
Carmela Silva, presidenta da Deputación, manifestaba este venres a súa satisfacción despois de recibir unha nova comunicación do Instituto para a Diversificación e Aforro de Enerxía de España (IDAE), dependente do Ministerio de Transición Ecolóxica. Este organismo confirmaba un novo investimento de 600.000 euros ao modelo da Deputación para o desenvolvemento urbano sostible.
Trátase da sexta axuda do IDAE ao longo deste 2021 e este diñeiro servirá para que os municipios de Ponte Caldelas, Poio, Moraña, Mondariz e Mos melloren a súa iluminación pública exterior.
As actuacións permitirán reducir unha media do 78% o consumo e a factura enerxética ao implantar tecnoloxía LED, máis respectuosa co medio ambiente, e cambiar os cadros de mando. O Concello de Ponte Caldelas recibirá 151.000 euros para cambiar 436 luminarias e catro cadros de mando. Esta intervención permitirá reducir o consumo un 79,19%.
En Poio empregarase unha axuda de 162.900 euros para cambiar 501 puntos de luz e catro cadros de mando e o consumo reducirase un 78,31%. Mentres que Moraña, con 110.700 euros actuará en 242 luminarias e seis cadros de mando, actuación que permitirá un aforro no consumo do 77,25%.
Con esta nova axuda, o IDAE destinou catro millóns de euros para investir na provincia, ofrecendo este beneficio a 24 municipios que mellorarán a súa eficiencia enerxética.
Relacionadas:
-
Investimento de máis de 600.000 euros para instalar luminarias LED de baixo consumo en Moraña
Por Redacción |
-
O alumeado público de Ponte Caldelas, en continua renovación con 50 lámpadas novas cada mes
Por Redacción |
-
Mellora de pavimentacións na parroquia de Lamas, en Moraña, para aumentar a seguridade viaria
Por Redacción |
-
Vilagarcía, Ponte Caldelas, Vilaboa e Bueu humanizarán viais en mal estado a través do Plan Concellos
Por Redacción |
-
Poio prevé reducir un 80% da factura eléctrica co cambio a LED do alumeado público
Por Redacción |
-
Barro aproba un convenio coa Deputación para executar un novo proxecto de aforro enerxético
Por Redacción |
-
Unha nova axuda do IDAE para renovar o alumeado en Barro, Bueu e Caldas
Por Redacción |
-
Investimento de 100.000 euros para reducir o consumo eléctrico de Moraña nun 68%
Por Redacción |
-
Poio usará 1,5 millóns de euros dos seus remanentes para diferentes actuacións
Por Redacción |