Os "treintañeros" pontevedreses vacínanse menos que os seus maiores
Por Oskar Viéitez
Na área sanitaria de Pontevedra e O Salnés xa hai 137.000 persoas completamente vacinadas contra o covid 19. Segundo informou o xerente da área, José Ramón Gómez, hai outras 50.000 que teñen unha soa dose.
Con todo a asistencia aos puntos de vacinación de persoas de 30 a 39 anos está a baixar. "Ahora un 70% de la gente se vacuna. En las primeras franjas de edad tuvimos un 90 y mucho por ciento", indica Consuelo Rodríguez, coordinadora de Enfermería no punto de vacinación do recinto Feiral de Pontevedra.
Segundo destaca Consuelo Rodríguez "estamos en torno a un 25% de personas que no acuden a la primera cita de vacunación y después sí lo hacen en otras fechas".
Nos últimos doce días a incidencia do coronavirus nos galegos de 20 a 29 anos cuadriplicouse, mentres que entre os de 12 e 19 case se triplicou desde o 28 de xuño, data desde a que o Ministerio de Sanidade reporta a incidencia acumulada a 14 días desagregada por grupos de idade.
Este aumento na incidencia aínda non se está reflectindo, con todo, na presión hospitalaria, segundo o conselleiro de Sanidade, Julio García Comesaña.
Tamén aumentou a incidencia dos galegos menores de 11 anos, que practicamente se duplicou desde finais de xuño, xa que pasou de 58,22 casos por cada 100.000 habitantes a 111,60 este venres.
O conselleiro de Sanidade anunciou que prevé iniciar a vacinación dos menores de 20 anos a mediados de setembro, coincidindo co inicio do curso escolar se as previsións de vacinas mantéñense.
Relacionadas:
-
As vacinas déronnos un respiro fronte á pandemia
Por Alejandro Espiño |
-
Os galegos de 20 a 29 anos comezarán a vacinarse o 9 de agosto
Por Redacción |
-
O aumento de contaxios segue desbocado
Por Oskar Viéitez |
-
A pontevedresa Ana Biempica recibe a dose tres millóns da vacina contra a covid-19 en Galicia
Por Oskar Viéitez |
-
As farmacias de Pontevedra xa poden expedir o certificado de vacinación da covid-19
Por Redacción |
-
Requisitos para ir aos pub de Pontevedra: PCR negativa de 72 horas antes, vacina completa ou covid nos últimos 6 meses
Por Natalia Puga |
-
Preocupa a asistencia "francamente baixa" da mocidade aos cribados
Por Alejandro Espiño |