O novo coche oficial do alcalde será unha berlina de tecnoloxía híbrida e enchufable
Por Alejandro Espiño
O Concello xa busca novo coche oficial para o alcalde. O goberno municipal activou o concurso público para que os concesionarios oferten os seus vehículos. Será cunha serie de requisitos obrigatorios e cun prezo máximo, 74.415 euros (IVE engadido).
Así, os pregos do concurso obrigan aos concesionarios que se queiran presentar a ofrecer unha berlina de cor azul escura, con tecnoloxía híbrida e enfuchable a cargadores eléctricos e cunha potencia media, fixada entre os 120 e os 150 cabalos.
O adxudicatario deste contrato terá un prazo de catro meses para entregar o coche.
Desde o executivo municipal notaron "certo interese" neste proceso de contratación, polo que preguntaron xa multitude de compañías. O menor prezo e a mellor oferta técnica serán as dúas variables que máis pesarán sobre a decisión final.
Anabel Gulías lembrou que o actual coche oficial foi "herdado" do anterior alcalde, o popular Juan Luís Pedrosa. Desde o Concello "resistímonos a cambialo", asegurou, ata que debido ás súas continuas avarías o custo de reparación era inasumible.
O vehículo asignado á Alcaldía era un un Audi A6 TDI comprado no ano 1997 por 6,5 millóns de pesetas. Nos seus 24 anos de vida útil, acumulou preto de 300.000 quilómetros.
Relacionadas:
-
Un Audi A6 híbrido de cor azul escura será o novo coche oficial da alcaldía
Por Redacción |
-
Sete concesionarios ofertan coches para substituír o vehículo oficial do alcalde
Por Alejandro Espiño |
-
Sacan a concurso por 360.030 euros a renovación do céspede dun campo de fútbol do complexo Manolo Barreiro
Por Natalia Puga |
-
O coche oficial do alcalde xubílase tras 25 anos de servizo e case 300.000 quilómetros
Por Alejandro Espiño |