Caldas, Portas e Vilagarcía asumirán o acondicionamento periódico da Vía Verde
Por Redacción
Os tres concellos polos que pasa a Vía Verde do Salnés, Caldas de Reis, Portas e Vilagarcía de Arousa, chegaron a un acordo para asumir de xeito conxunto os traballos periódicos de roza e acondicionamento para que este itinerario estea en perfectas condicións.
As intervencións consistirán, principalmente, na roza da vexetación presente nas marxes do trazado por medios mecánicos mediante o uso dun tractor con rozadoira de brazo lateral e noutros traballos de mantemento por medios manuais.
A actuación iniciouse a pasada semana no treito correspondente a Caldas e a Portas e terá continuidade durante estes días, para rematar a semana que vén no tramo de Vilagarcía.
O obxecto dos traballos é o de favorecer o bo estado da vía para o seu goce por parte de veciñanza e visitantes, acondicionando as marxes nunha época do ano na que a vexetación medra especialmente e pode chegar a invadir o paseo.
Os tres concellos manteñen así o seu compromiso pola conservación desta infraestrutura pioneira que, desde a súa apertura, está sendo un éxito rotundo.
Relacionadas:
-
Comezan en Vilagarcía os traballos de mantemento da Vía Verde do Salnés
Por Redacción |
-
A Xunta conclúe os trámites ambientais necesarios para a ampliación da EDAR de Vilagarcía
Por Redacción |
-
Cume en Vilagarcía para estender a Vía Verde do Salnés ata Pontevedra
Por Redacción |
-
Alertan sobre o paso de quads e presenza de cazadores na Vía Verde
Por Redacción |
-
A Vía Verde como exemplo de colaboración interinstitucional
Por Oskar Viéitez |