Vilaboa é líder en Galicia na implantación da compostaxe
Por Redacción
O concello de Vilaboa e a Deputación de Pontevedra a través do Plan Revitaliza queren agradecer o esforzo da veciñanza que ao longo dos últimos 4 anos fixeron que hoxe Vilaboa sexa líder en Galicia na implantación da compostaxe como método de xestión de residuos contribuíndo a frear o cambio climático.
Para isto, o Concello estrea este venres a campaña de educación ambiental e comunicación baixo o lema "Vilaboa grazas de todo corazón".
A campaña, que contou coa asociación ambientalista Amigos da Terra para a súa organización, componse dunha serie de videos grabados co público protagonista deste proxecto que irán saíndo ao longo de todo o mes e un calendario de produtos de tempada que se enviarán a cada casa de todas as persoas do municipio.
Familias, centros de ensino, hostelería, restauración e empresas, son as protagonistas dos videos e dos bos resultados deste proxecto que deu comezo hai 4 anos e que conseguiu que hoxe se xestione o 75% da materia orgánica in situ, en vivendas e empresas evitando asi que centos de toneladas de residuos viaxen ata Sogama e ao mesmo tempo, reducindo as emisións de gases de efecto invernadoiro.
"Grazas á compostaxe en Vilaboa, redúcense anualmente 230 Toneladas de CO2 ao ano, isto sería como viaxar en coche á lúa 5 veces", declara Cesar Poza, alcalde de Vilaboa.
Dende o Concello agradecen o esforzo de todas as persoas que traballaron dende o local buscando un beneficio global e animar aos que faltan a formar parte deste gran equipo.
A campaña inclúe tamén o envío a todas as vivendas do concello de un tríptico no que coñecer todos os servizos que ofrece o plan de compostaxe de Vilaboa, así como un calendario de produtos de tempada que serve de guía para coñecer cal é a mellor época para consumir cada alimento no seu estado óptimo de maduración.
Co seu esforzo Vilaboa é o concello de Galicia que máis se achega aos obxectivos de reciclaxe marcados pola Directiva Europea de residuos.
Relacionadas:
-
O norte de Portugal estuda o modelo de xestión de residuos do Plan Revitaliza
Por Redacción |
-
As actividades do Revitaliza durante o verán achegaron a compostaxe a preto de 1.400 nenos
Por Redacción |
-
Vilaboa adquire dous camións a través do Plan Revitaliza
Por Redacción |
-
O punto verde de Monte do Cabalo, en Vilaboa, absorbe ao ano 750 toneladas de residuos orgánicos
Por Redacción |
-
O Plan Revitaliza permite a Vilaboa mellorar as instalacións de Monte do Cabalo e renovar o parque móbil
Por Redacción |