Habilitan unha nova zona de aparcamento gratuíto no centro de Ponte Caldelas
Por Redacción
Os veciños de Ponte Caldelas contan desde este venres 16 de xullo cunha nova zona de aparcamento gratuíto no centro do centro urbano.
En concreto o Concello habilitou un espazo situado xunto á praza Frei Antonio Orge, á beira do supermercado Día.
Segundo sinala o goberno local, chegouse a un acordo co propietario da leira para o seu uso, dando cabida a uns 25 vehículos ben aparcados.
Tras esta xestión avánzase a tramitación para poñer en marcha o aparcamento central, detrás da Ludoteca Municipal.
"Ponte Caldelas segue crecendo en poboación e, ademais, somos a área comercial de toda a comarca, polo que temos que adaptarnos ás novas necesidades que xorden, con cada vez máis vehículos no centro urbano que precisan aparcar para comprar, facer xestións e gozar de Ponte Caldelas", sinalou o alcalde, Andrés Díaz.