O PSOE celebra a sentenza de ENCE e insta a Feijóo a buscar "de inmediato" alternativas de traslado
Por Alejandro Espiño
O portavoz do PSOE en Pontevedra, Tino Fernández, asegurou que "hoxe é un bo día" para a cidade tras a sentenza da Audiencia Nacional que anula a prórroga concedida a Ence para ocupar terreos de Costas ata 2073.
Este fallo, sinalou Fernández, debe impulsar ao presidente da Xunta de Galicia, Alberto Núñez Feijóo, a buscar "de inmediato" alternativas para que esta fábrica poida continuar coa súa actividade produtiva na comarca de Pontevedra.
A sentenza da Audiencia Nacional, segundo o dirixente socialista, "deixa claro" que a prórroga que outorgou o Goberno de Mariano Rajoy á industria pasteira era "absolutamente ilegal" e que a lei, neste caso de Costas, "está para ser cumprida por todos".
Chegados a este punto, segundo o responsable do PSOE en Pontevedra, "debe imperar e triunfar" a postura defendida polos socialistas "ás veces en solitario e desprezados por outros partidos" de que a fábrica "non podía permanecer na ría" e debíase "garantir" o seu traslado.
"É o momento do diálogo e de dar a cara polos traballadores de Ence", afirmou Fernández, que subliñou que o comité de empresa da fábrica "debe saber que teñen ao PSOE como aliado" para que esta actividade industrial permaneza na comarca.
O edil socialista asegura que "os que deben responder" pola situación na que queda a fábrica "son os que se estiveron escondendo ata o de agora", citando expresamente a Núñez Feijóo, ao que acusou de actuar "como delegado da empresa".
Agora, engadiu, a Xunta debe "poñerse a traballar" na procura de localizacións alternativas e a dirección de Ence ten que "actuar de boa fe e sentar a negociar" cun Goberno, o central, "que fará todo o posible para que a empresa consolide a súa actividade noutro lugar".
Relacionadas:
-
"As sentenzas deben cumprirse", advirte o Ministerio de Transición Ecolóxica tras a anulación da prórroga a ENCE
Por Diego Espiño |
-
Caballero insta a Feijóo a propoñer unha ubicación alternativa para a fábrica de ENCE
Por Redacción |
-
"Estamos ante un día triste", asegura a Xunta sobre o "golpe irreversible para Galicia" que supón a sentenza de ENCE
Por Diego Espiño |
-
Ana Pontón ve un "triunfo" a sentenza de ENCE e pide ao PP e á empresa "asumir a derrota"
Por Alejandro Espiño |
-
A decisión da Audiencia Nacional é, segundo Lores, un "fracaso estrepitoso" do "cambalache ilegal" entre o PP e ENCE
Por Alejandro Espiño |
-
Domínguez lamenta que o futuro de 500 familias de Pontevedra "se ensombrezca"
Por Alejandro Espiño |
-
A Audiencia Nacional anula a prórroga de ENCE
Por Alejandro Espiño | Creada e actualizada