Só o 38% dos citados acode á primeira xornada de cribado en Vilagarcía, con 10 positivos detectados
Por Redacción
A Consellería de Sanidade informou este sábado sobre os resultados da primeira xornada de cribados realizados na comarca de Arousa a mozos entre 18 e 35 anos.
A baixa participación é unha das características desta convocatoria, planificada ante a mala evolución da pandemia.
Así, das 1.200 persoas citadas durante o venres para pasar polo recinto de Fexdega de Vilagarcía para someterse a unha proba de detección de coronavirus, soamente acudiron 458 delas, o 38,2%.
Nesa primeira xornada detectáronse 10 positivos entre os asistentes.
Os cribados na comarca de Arousa continuaban este sábado con outras 1.200 persoas convocadas, mentres que o domingo e o unes citouse á poboación de 18 a 35 anos de Pontevedra, Poio e Marín, cun total de 1.600 persoas (800 por día) a unhas probas que se realizarán no exterior do Hospital Provincial.
Relacionadas:
-
2.161 persoas citadas "pasaron" de someterse ao cribado en Poio
Por Redacción |
-
A autocita para cribados terá postos fixos en Pontevedra e Vilagarcía a próxima semana
Por Natalia Puga |
-
Detectan catro positivos entre 762 mozos na primeira xornada de autocita para cribados en Fexdega
Por Redacción |
-
Sanidade analiza a expansión sen control da covid-19 no Salnés e decide non cambiar de nivel ningún concello
Por Natalia Puga |
-
A poboación de 16 a 35 anos poderá pedir autocita para realizar cribados a próxima semana
Por Redacción |
-
Convocan máis de tres mil persoas de Pontevedra, Caldas, Poio e Marín a novos cribados
Por Redacción |