O sistema de autocita para acudir a cribados de covid-19 afiánzase na área sanitaria de Pontevedra e O Salnés e durante a próxima semana haberá puntos fixos para realizar as probas en Pontevedra e Vilagarcía. 

Segundo a información facilitada pola Consellería de Sanidade, a poboación de entre 16 e 35 anos poderá pedir autocita para o Hospital Provincial de Pontevedra e o recinto feiral de Fexdega en Vilagarcía entre o sábado 24 e o venres 30 de xullo. 

Ademais, este venres 23 de xullo haberá opción de pedir autocita en Sanxenxo e en Cambados, sempre para a poboación de entre mozas de 16 e 35 anos.

O vindeiro luns 26 de xullo esta campaña de autocita para a poboación nova chegará a Sanxenxo. 

SETE NOVOS POSITIVOS

Segundo a información oficial facilitada, as dúas primeiras xornada de autocita que se realizaron este martes e este mércores deixaron un total de 11 positivos. O martes xa se anunciou que houbo catro e este mércores foron sete. 

Nestas dúas xornadas os test fixéronse en Fexdega. Este mércores realizáronse 670 e detectáronse 7 positivos. O martes realizáronse 762 probas e detectáronse 4 casos.