Propoñen que as administracións públicas merquen a Praza de Touros para actos sociais
Por Redacción
A plataforma 'Galicia, Mellor Sen Touradas' considera positiva a suspensión da minifeira taurina que se desenvolvía na cidade de Pontevedra con motivo das festas da Peregrina. Entenden que resulta coherente coas medidas sociosanitarias impostas pola Xunta de Galicia.
Pero ademais realizan unha petición ás administracións públicas co obxectivo de adquirir a Praza de Touros. O colectivo abolicionista argumenta que este recinto situado en San Roque leva sen actividades case dous anos e pon sobre a mesa que un Consorcio entre a Xunta, Deputación e Concello podería asumir a compra deste espazo para destinalo a actividades sociais.
Indican que no caso de que a oferta non producise efecto, "os poderes públicos poden apostar pola vía da expropiación" alegando "razóns de interese público". Con esta fórmula entenden que o prezo sería inferior a unha contraoferta por parte da familia Lozano, propietaria da Praza de Touros.
Entenden que se o espazo pasase a ser xestionado polas administracións públicas poderíase xerar unha tripla axenda de actividades coa cesión do recinto a asociacións e clubs, convocando eventos multitudinarios e actos concretos para atraer visitantes ás instalacións.
'Galicia, Mellor Sen Touradas' indica que, coa suspensión das feiras taurinas en Pontevedra e Valga, a comunidade galega manterá a cero o contador durante este último ano de realización deste tipo de eventos.
Relacionadas:
-
Touradas fóra de Pontevedra volve saír á rúa: "este ano vanse asasinar na praza 12 touros"
Por Natalia Puga & Mónica Patxot |
-
Piden que se faga unha consulta pública aos pontevedreses sobre a continuidade dos touros
Por Cristina Saiz & María José Pita |
-
Touradas Fóra de Pontevedra reivindica nas rúas que a maioría da poboación é antitaurina
Por Almu Dapena & Redacción |
-
As restricións da pandemia fan inviable un domingo da Peregrina con touros
Por Marisa Ciordia |
-
Abolicionistas piden o peche cautelar da praza de touros de Pontevedra
Por Redacción |