Avanza a tramitación do proxecto do colector que resolverá os problemas de saneamento en Ardán
Por Redacción
O goberno local de Marín anuncia a posta en marcha do proxecto de creación do colector de augas residuais entre os núcleos de Pastoriza e Picotes, na parroquia de Ardán.
A dotación orzamentaria para esta iniciativa alcanzará os 200.000 euros, que se sufragarán con cargo ao remanente de tesourería, segundo explica o concelleiro Pablo Novas, responsable de Medio Rural.
Con esta obra, Novas quere resolver o problema que denuncia a veciñanza debido ao mal funcionamento da depuradora de Pastoriza.
Segundo os informes técnicos, a depuradora era ineficaz e proxectouse unha nova canalización que permita prestar o servizo con calidade para a parroquia, indica o concelleiro.
Afirma que se axilizou a tramitación para realizar a actuación no menor tempo posible. O proxecto do colector conta coas autorizacións de Medio Ambiente e de Patrimonio, polo que o goberno local só espera o visto e prace de Augas de Galicia.
A partir dese momento poderase iniciar o proceso de licitación para adxudicar a obra e comezar os traballos.
Relacionadas:
-
Primeiro paso para dotar de saneamento ao tramo entre as localidades marinenses de Vista Alegre e Coirados
Por Redacción |
-
Resolto o problema de saneamento en Ardán coa nova canalización
Por Redacción |
-
Adxudicada a obra para a instalación do novo colector entre Pastoriza e Picotes
Por Redacción |
-
Oito empresas optan a construír o novo colector entre Pastoriza e Picotes
Por Redacción |
-
Reparan a avaría no saneamento de Caños de Moledo en Ardán
Por Redacción |
-
Ardán contará cun novo colector que sustituirá á actual depuradora de Pastoriza
Por Oskar Viéitez |