Pontevedra concede licenza para un novo xeriátrico privado
Por Oskar Viéitez
O Concello de Pontevedra concedeu este luns licencia de acondicionamento e instalación dun edificio destinado a residencia de maiores.
Segundo informou a portavoz municipal, Carme Da Silva, a Xunta de Goberno deu luz verde a este novo equipamento para a cidade que se situará no barrio da Parda, concretamente na rúa Maruja Mallo.
A empresa solicitante é Atirual Inmobiliaria SL, que comparte sede social en Madrid co grupo Orpea, de orixe francesa.
O complexo deseñouse con capacidade para 150 persoas en 132 cuartos individuales e 18 dobres.
O proxecto tramitado por Atirual Inmobiliaria sitúase nunha parcela de 1.373 metros cadrados e terá unha superficie construída de 9.879 metros cadrados. Isto significa que será un edificio de baixo máis cinco plantas e baixo-cuberta.
Ademais o proxecto inclúe a dotación de 27 prazas de aparcamento e dúas prazas para motos.
O orzamento total para a construción desta residencia é de 6.210.000 euros, segundo os datos facilitados por Atirual Inmobiliaria.
Carme Da Silva expresou o seu desexo de que este novo equipamento privado únase á residencia pública que está pendente por parte da Xunta de Galicia nunha parcela cedida polo concello na Eiriña e que financiará a Fundación Amancio Ortega.
Relacionadas:
-
Lores asegura que "a cidade despega despois da pandemia" con 244 peticións de licenzas de actividade económica
Por Anxo Lourido |
-
A residencia de maiores que promove a Fundación Amancio Ortega contará con 42 habitacións dobres e 36 individuais
Por Redacción | Creada e actualizada
-
O Pleno aprobará a cesión á Xunta do solar da rúa Doce de Novembro para a residencia de maiores
Por Oskar Viéitez & Mónica Patxot |