Convocan concentracións pola "mala xestión dos recursos humanos" na Sanidade Pública
Por Oskar Viéitez
Para este mércores 4 de agosto están convocadas dúas concentracións para protestar pola "mala xestión dos recursos humanos" na Sanidade Pública "e o consecuente aumento da presión asistencial á que todos os traballadores están sometidos".
Os convocantes desta protesta son os sindicatos PROSAGAP, CIG, UXT, OMEGA, CSIF, CCOO, SATSE e CESM.
Ás 10.30 horas terá lugar a primeira concentración diante do Centro de Saúde de Baltar, en Sanxenxo e ás 13.30 horas será no Hospital Provincial de Pontevedra.
Desde estes sindicatos fan un chamamento "a todos", á cidadanía en xeral e especialmente aos seus compañeiros dos distintos centros de saúde e centro hospitalarios "para que dunha vez se faga caso a estes problemas e se apliquen as medidas necesarias para unha solución definitiva".
Nestes actos de protesta reclamarase a mellora da atención e dos recursos humanos "para que todos os colectivos poidan traballar en condicións dignas".
Relacionadas:
-
Convocan unha protesta na Lama en defensa da sanidade pública
Por Redacción |
-
Piden a destitución de José Ramón Gómez por ser o "peor xerente posible" da área sanitaria
Por Redacción |
-
Alertan de que o único médico do Centro de Saúde de Vilalonga atende a máis de 60 persoas diarias por quenda
Por Redacción |
-
Os profesionais sanitarios plántanse ante a continua sobrecarga de traballo de cada verán
Por Manu Otero & Mónica Patxot |
-
Piden a dimisión do alcalde de Sanxenxo por acusar os sanitarios de Baltar de desatender o seu traballo
Por Redacción | Creada e actualizada
-
Denuncian o descoido do Sergas ante a avalancha de afectados por covid-19 nos centros de saúde
Por Redacción |
-
Situación "límite" da Atención Primaria no Salnés con centros de saúde "a piques do colapso"
Por Alejandro Espiño |