Unha muller de 85 anos convértese no falecemento 190 de pacientes covid na área sanitaria
Por Diego Espiño
A cifra de falecementos de pacientes con positivo activo por covid incrementouse este venres na área sanitaria de Pontevedra e O Salnés chegando ás 190 mortes.
Segundo informa o Servizo Galego de Saúde, a última vítima foi unha muller de 85 anos que se atopaba ingresada no Hospital do Salnés sendo positivo en coronavirus.
Ademais o Sergas confirmou outros cinco falecementos nas últimas horas en Galicia, dous deles de persoas usuarias de centros para maiores. Trátase dun home de 82 anos que estaba a ser atendido no complexo hospitalario de Ferrol e que procedía da residencia Santo Estebo de Perlío en Fene e dun home de 84 anos usuario da residencia Domus VI de Vigo que se atopaba no CHUVI. Ambos os dous falecementos tiveron lugar o xoves día 5.
Por último Sanidade informa do falecemento o xoves dun home de 88 anos no Complexo Hospitalario Universitario de Vigo, dunha muller de 91 anos o venres en POVISA en Vigo e dun home de 95 anos tamén o venres no Hospital Universitario Lucus Augusti de Lugo.
Con estes últimos casos a cifra de falecementos de persoas con positivo activo por covid en Galicia ascende a 2.489 desde o inicio da pandemia.
Relacionadas:
-
Balance de coronavirus na área sanitaria ao 8 de agosto: 2.186 casos activos e 29 persoas hospitalizadas
Por Diego Espiño |
-
Falece en Montecelo un home de 91 anos positivo por covid, a vítima 191 desde o inicio a pandemia
Por Diego Espiño |
-
Caen a 2.331 os casos activos de covid na área sanitaria, con 31 persoas hospitalizadas
Por Diego Espiño |
-
339 persoas superaron o coronavirus nas últimas 24 horas na área sanitaria
Por Oskar Viéitez |
-
O Sergas abrirá este sábado 25.000 autocitas para vacinar a mozos de 16 a 21 anos
Por Oskar Viéitez |
-
34 persoas permanecen ingresadas con covid-19 nos hospitais da área sanitaria
Por Redacción & Mónica Patxot |
-
Descende en 8 pacientes o número de persoas ingresadas por covid na área sanitaria
Por Redacción | Creada e actualizada