Soben en cinco as hospitalizacións por covid nun día, con 27 ingresados en planta e sete na UCI
Por Diego Espiño
Os casos activos de coronavirus na Área Sanitaria de Pontevedra e O Salnés son un total de 2.109 este luns 9 de agosto, segundo a información oficial do Servizo Galego de Saúde.
Esta cifra supón un descenso de 77 casos activos, do mesmo xeito que anteriores xornadas debido ao elevado número de altas epidemiolóxicas dadas, 181, que superan aos 104 novos contaxios detectados.
Pese ao descenso no total a semana iníciase cun preocupante incremento nos pacientes positivos por covid hospitalizados, ao subir de golpe en cinco persoas. Desta forma os ingresados pasaron a ser 34, dos que 27 evolucionan en planta repartidos entre o Complexo Hospitalario Universitario de Pontevedra (22), o Hospital do Salnés (3) e o Hospital QuirónSalud Miguel Domínguez (2), mentres que 7 atópanse na Unidade de Coidados Intensivos de Montecelo.
Desde o inicio da pandemia superaron o virus 17.836 persoas na área sanitaria, rexistrándose 191 falecementos de pacientes coa infección activa.
Nas últimas 24 horas o Sergas confirma a realización de 570 probas PCR.
DATOS DE GALICIA
Segundo informa a Dirección Xeral de Saúde Pública o número de casos activos de coronavirus en Galicia sitúase nos 16.824, dos que 4.619 son da área da Coruña, 1.914 de Lugo, 1.275 de Ourense, 2.109 de Pontevedra, 4.098 da área de Vigo, 1.804 de Santiago e 1.005 da de Ferrol.
Do total positivos, 55 evolucionan na UCI, 286 en unidades de hospitalización e 16.483 no seu domicilio.
En Galicia rexistráronse 2.493 falecementos de persoas con positivo activo por coronavirus.
Relacionadas:
-
Os casos activos de covid baixan da barreira dos dous milleiros e redúcense a 31 os hospitalizados
Por Diego Espiño |
-
Os casos activos de covid seguen en descenso pero a UCI de Montecelo sobe a súa ocupación ata os 8 ingresados
Por Diego Espiño |
-
Cinco usuarios da residencia Soremay, positivos por covid
Por Diego Espiño |
-
A vacinación retárdase na área sanitaria
Por Diego Espiño |
-
Balance de coronavirus na área sanitaria ao 8 de agosto: 2.186 casos activos e 29 persoas hospitalizadas
Por Diego Espiño |
-
Falece en Montecelo un home de 91 anos positivo por covid, a vítima 191 desde o inicio a pandemia
Por Diego Espiño |
-
Caen a 2.331 os casos activos de covid na área sanitaria, con 31 persoas hospitalizadas
Por Diego Espiño |