Rematada a obra na estrada provincial EP-0509 ao seu paso por Barro
Por Redacción
A Deputación de Pontevedra rematou coa execución das obras de mellora da seguridade viaria na estrada provincial EP-0509, que discorre entre o Ramal da Igrexa ata Portela, no concello de Barro.
O deputado provincial de Infraestruturas, Gregorio Agís, o alcalde de Barro, Xosé Manuel Fernández, e o concelleiro de Obras, Iván Bello, achegáronse a comprobar o resultado dos traballos, que foron adxudicados por 16.600 euros.
As actuacións leváronse a cabo ao longo de toda a estrada, de 240 metros de lonxitude, para paliar a deficiente situación da capa de rodaxe e a falta de sinalización.
Durante os dous meses de traballo rozáronse as cunetas, renovouse a capa de rodaxe, procedeuse ao pintado das marcas dos viarios e ao reforzo da sinalización vertical. Tamén se instalaron redutores físicos de velocidade.
A actuación seguiu o modelo de mobilidade amable, segura e sostible que está a aplicar a institución provincial na rede de estradas.
INVESTIMENTOS NO CONCELLO DE BARRO
A Deputación informa de que leva investidos en Barro preto de oito millóns de euros desde 2015.
Unha gran parte deste montante corresponde ao Plan Concellos e a investimentos en materia de infraestruturas, como é o caso da mellora da seguridade viaria na EP-0509.
Tamén destaca a achega provincial para a redacción do proxecto de execución da estación depuradora EDAR no polígono de Barro (1.240.250 €), a mellora da seguridade viaria na EP-0506 Curro-Portela (453.600 €), a pavimentación e dotación de servizos na EP-0505 N-550 – igrexa de Perdecanai (327.565 €) ou a recuperación do espazo e mellora da mobilidade peonil na EP-0508 Curro-San Amaro, ao seu paso pola praza de San Amaro (303.280 €). Ademais, o concello de Barro conta dende hai dous veráns cunha piscina pública en Outeiro financiada co Plan Reequilibrio (286.800 €).
Relacionadas:
-
A reforma converte á Praza de San Amaro nun espazo "para quedar"
Por Redacción |
-
Comezan as obras para recuperar a zona da Praza de San Amaro
Por Redacción |
-
400.000 euros para mellorar a seguridade viaria entre Curro-Portela
Por Redacción |
-
Avanzan as obras de mellora da seguridade viaria nas estradas de Barro
Por Redacción |
-
Barro mellora os servizos nunha ducia de núcleos de poboación co Plan Concellos
Por Redacción |