O punto test covid do porto de Sanxenxo leva realizadas 700 probas de antíxenos co 1,7% de positividade
Por Oskar Viéitez
O punto de test Covid instalado no porto deportivo de Sanxenxo realizou nos 11 días que leva operativo 700 probas de antíxenos nos que se detectaron 12 positivos, o que supón o 1,7 % de positividade.
O servizo posto en marcha polo Concello de Sanxenxo en colaboración con E-Saúde na Sala Nauta está orientado a facilitar un acceso seguro ao interior da hostalería.
O punto test manterase durante todo o mes de agosto de luns a domingo en horario de 12 a 16 horas e de 19 a 23 horas.
As mostras dos test de antígenos son recollidas por un equipo de enfermería e o seu resultado é case inmediato. O custo da proba é de 10 euros. Cando é negativo, emítese un certificado que se pode presentar no local de restauración se se quere acceder ao interior e que ten unha validez de 48 horas, requisito indispensable na actualidade se non se dispón da pauta completa de vacinación ou do xustificante médico de pasar a enfermidade no últimos seis meses.
O perfil de usuario deste servizo son familias con membros que non están en idade de vacinación e que queren acceder aos interiores dos locais de hostalería. A maioría son visitantes do territorio nacional, pero tamén internacional como Portugal, Suíza ou Países Baixos.
Sanxenxo baixará este sábado a nivel alto de restricións, pero as medidas de acceso ao interior dos locais seguirán sendo as mesmas que ata o de agora, aínda que o aforo pasará do 30 ao 50%. O lecer nocturno só permitirase en terrazas, ata o 50% e ata a unha da madrugada.
Relacionadas:
-
Catro mortes máis con covid entre persoas maiores de 72 anos en Galicia, unha delas falecida en Montecelo
Por Redacción |
-
A vítima 192 con covid-19 na área sanitaria é un home de 86 anos nunha xornada con cinco decesos notificados en Galicia
Por Redacción |
-
García Comesaña advirte do perigo de contaxios ante a chegada dunha fin de semana de festas populares
Por Anxo Lourido |
-
Sanidade só mantén O Grove en nivel máximo
Por Oskar Viéitez |