Adxudicado o proxecto de adecuación da contorna do Pazo da Crega
Por Redacción
A Xunta de Goberno local do Concello de Barro aprobou a adxudicación dun proxecto para actuar na zona exterior do Pazo da Crega e mellorar todo este espazo.
A intervención seguirá a idea de integrar os espazos en relación coas persoas, creando áreas de convivencia para que a veciñanza goce deste pazo municipal, segundo indican desde o goberno que dirixe Xosé Manuel Fernández Abraldes.
O proxecto conta cun orzamento de 56.000 euros e financiarase con fondos propios do Concello. Foi adxudicado á empresa Construcións Vale S.L., ao presentar a mellor oferta económica no concurso cunha rebaixa do 22% sobre o orzamento basee de licitación.
Con esta iniciativa, o goberno local quere revalorizar o Pazo da Crega e toda a súa contorna, recuperando elementos esenciais do conxunto arquitectónico e patrimonial, eliminando elementos que os desvirtúan e reordenando a masa forestal, deixando espazos máis claros e incorporando este edificio no núcleo urbano da vila.
Está prevista a mellora da accesibilidade, a apertura do espazo exterior axardinado, a reconstrución do hórreo orixinal e do lagar, entre outras actuacións.
Relacionadas:
-
Conclúen as obras para facer da contorna do Pazo da Crega un espazo para uso e goce da veciñanza
Por Redacción |
-
80 nenos de Barro participan no Pazo da Crega nunha nova edición do "Espazo Concilia"
Por Redacción |
-
Barro destinará 400.000 euros do superávit á mellora de espazos públicos e a paliar os efectos da crise
Por Redacción |
-
Un proxecto municipal integrará na trama urbana de Barro a contorna do Pazo da Crega
Por Redacción |