"Estamos aliviados pero ata que poidamos abrazalo non estaremos tranquilos de todo"
Por Alejandro Espiño
"Estamos moi felices. Aliviados sería a palabra". Así resume Víctor Costas, o irmán do mariñeiro de Bueu que estaba retido en Iemen, a sensación que vive a súa familia despois de coñecer que fora liberado e que se atopa a salvo nun hotel do país.
Os acontecementos precipitáronse despois de que, hai apenas uns días, denunciasen a "situación extrema" na que se atopaba Pablo Costas, a bordo do barco "Cobija" xunto unha trintena de compañeiros e sen víveres desde facía nove días.
Nas últimas horas, a familia logrou falar con el a pesar de que as comunicacións seguen sendo "precarias", explica Víctor. "Está no hotel esperando que alguén lle de noticias para o trasladado", engade o irmán do mariñeiro.
El atópase "ben de saúde e recuperado do esgotamento extremo destas últimas semanas". A tensión acumulada fixo efecto nel e, nada máis chegar ao hotel, "veuse abaixo", confesa o seu irmán. "Pero o descanso veulle ben. Xa o notamos máis sereno".
A liberación de Pablo Costas, que chegou a Iemen hai once meses, é só o primeiro paso para o seu ansiado regreso a casa. A familia recoñece que "ata que podamos abrazalo non estaremos tranquilos de todo", porque a súa saída do país non será tarefa fácil.
Agora a súa principal preocupación na súa seguridade. Iemen está inmerso nunha guerra civil desde 2015 e o hotel no que se atopa o mariñeiro galego está a uns 270 quilómetros do aeroporto. Para chegar ata alí necesitará protección.
"A embaixada ten que garantirlle un traslado seguro", apunta o seu irmán, ademais de xestionarlle a documentación e os billetes de avión que necesita para regresar a casa.
Sexa como sexa, segundo Víctor Costas, "estamos esperanzados en que isto termine pronto".
Relacionadas:
-
Pablo Costas xa descansa na casa: "Bueu salvoume a vida. Estou moi agradecido a todos"
Por Alejandro Espiño & Mónica Patxot |
-
Pablo Costas, tras chegar a España: "Foi un calvario. Nos secuestraron nas peores condicións"
Por Alejandro Espiño |
-
O Goberno xestiona o traslado de Pablo Costas á capital de Iemen e agarda un "rápido" regreso a Bueu
Por Redacción |
-
Liberan a Pablo Costas e a tripulación do Cobija retida en Iemen
Por Redacción | Creada e actualizada
-
O BNG urxe ao Goberno que traballe para a evacuación inmediata do patrón de Bueu retido en Iemen
Por Redacción |
-
SOS da familia do mariñeiro retido en Iemen: "Que clase de 'gentuza' ten a 30 homes ao bordo da morte?"
Por Alejandro Espiño |