Instalan céspede artificial para completar a renovación do parque infantil de Ricardo Portela
Por Redacción
O parque infantil de Ricardo Portela, no barrio da Parda, xa está completamente renovado. Os operarios da empresa Garocaprim remataron cos traballos iniciados hai un par de semanas e nos que se investiron máis de 15.000 euros.
Este equipamento, situado na urbanización das Camelias, entre as rúas Gaiteiro Ricardo Portela, Camposanto, Virxinia Pereira e Pintor Laxeiro, completou o seu novo aspecto cun pavimento recuberto de céspede artificial.
O proxecto tamén incluíu a renovación dos distintos elementos, substituíndose pezas, manguitos, cadeas e cordas de bambáns e demais xogos, que foron pintados de novo.
A intervención completouse coa restauración de bancos, papeleiras e o mobiliario.
Desde o goberno municipal, o tenente de alcalde, Tino Fernández, e o concelleiro de Desenvolvemento Sostible e Medio Natural, Iván Puentes, destacaron o resultado "inmellorable" desta renovación que deixou o parque "case como novo".
Relacionadas:
-
O Concello prepara a renovación paisaxística no parque da palmeira de Joaquín Costa
Por Oskar Viéitez |
-
O barrio do Burgo xa conta con dúas pistas de petanca e zonas de sombra e descanso
Por Redacción & Mónica Patxot |
-
A zona verde do Campo da Torre vai converterse nun parque de árbores con hamacas
Por Redacción |
-
Reformado o parque infantil de Valentín García Escudero cun investimento de 12.000 euros
Por Redacción |