O Pazo Baión acollerá a entrega de premios do Colexio de Arquitectos de Galicia
Por Redacción
O Colexio de Arquitectos de Galicia (COAG) celebra a XIX edición dos seus premios de arquitectura coa participación de 197 propostas visadas, executadas e finalizadas no ámbito territorial da entidade colexial entre 1 de agosto do 2018 e o 30 de setembro do 2020.
O acto público de entrega de premios celebrarase o 25 de setembro pola tarde no Pazo de Baión en Vilanova de Arousa.
As propostas participantes están incluídas dentro destas nove categorías: residencial de nova planta (na que se distingue entre vivenda unifamiliar con 31 candidaturas, e vivenda colectiva, con 3 candidaturas); outros edificios de nova planta, 15; obras de restauración e rehabilitación, 49; obras de interiorismo, 41; arquitecturas efémeras e deseño, 15; deseño de espazos urbanos, xardinería e paisaxismo, 16; divulgación e investigación, 14; proxecto fin de carreira, 13; e categoría especial a toda a Traxectoria Profesional que se fallará previamente á gala de entrega dos galardóns.
A decana do COAG, Elena Ampudia, manifesta a satisfacción da xunta de goberno do colexio oficial pola "alta participación" no certame, e agradece a todas as persoas colexiadas o seu "entusiasmo" con estes premios. "Será bastante complexa a elección de finalistas data a calidade de todas e cada unha das candidaturas", vaticina.
Tamén destacou a "excepcional calidade da arquitectura galega".
Relacionadas:
-
A arquitectura galega distingue a traxectoria profesional de César Portela
Por Oskar Viéitez & Mónica Patxot |
-
Tres proxectos de Pontevedra, finalistas aos premios dos arquitectos galegos
Por Redacción |
-
Teresa Táboas, seleccionada para integrar o Consello da Unión Internacional de Arquitectos
Por Redacción |
-
Os arquitectos alegan contra o novo vial de Mollavao e reclaman desatascar o PXOM
Por Redacción |