As oficinas do DNI non se poden trasladar á rúa Michelena polo alto prezo de aluguer que piden á Policía
Por Oskar Viéitez & Mónica Patxot
O Sindicato Unificado de Policía (SUP-Galicia) recibiu cunha sonora apupada, ao director xeral do Corpo Nacional de Policía, Ignacio Cosidó, durante a súa visita á Comisaría de Pontevedra. Eran unha trintena de axentes pertencentes ao comité local do SUP que portaban pancartas nas que se lía "Menos despilfarro y más servicio", e tamén "Ciudadanos os pedimos perdón por no poder detener a los auténticos delincuentes".
O secretario xeral do SUP en Galicia, José Freire, recordou que Ignacio Cosidó "no hace muchos años cuando estaba en la oposición, prometió dignificar la profesión en una Asamblea Nacional de nuestro sindicato", non só salarialmente, senón en canto a dotación de medios "pero en cuanto llegaron al poder y tomó esta responsabilidad nos encontramos con todo lo contrario", dixo.
Dende o Sindicato Unificado de Policía reiteraron a súa denuncia de falta de recursos humanos e materiais para ofrecer o servizo que necesitan os cidadáns. Esta precariedade xunto á falta de cambios lexislativos que castiguen a reincidencia e que eviten que os mesmos delincuentes sexan detidos todos os días, inciden nun desánimo xeneralizado nos axentes, asegura Freire.
PAPEL HIXIÿNICO
"Cada vez hay menos piezas para los vehículos, menos tóner para las impresoras, incluso en algunas ocasiones falta algo tan elemental como el papel higiénico", denuncia o Sindicato Unificado de Policía, respecto á Comisaría de Pontevedra.
ALUGUER OFICINAS DNI
Os axentes de Pontevedra esperaban ver aliviada a falta de espazo na Comisaría provincial da rúa Joaquín Costa co traslado da sección de Documentación e Estranxeiría da Comisaría, é dicir, as oficinas de expedición do DNI e os pasaportes. O traslado está anunciado dende o ano 2006 coa reforma do Banco de España na rúa Michelena.
O espazo que gañará permitirá, entre outras cousas, dotar de maior comodidade a determinadas unidades do Corpo Nacional de Policía xa que deixaría libre a primeira planta do edificio da Comisaría.
Non obstante, segundo desvelou o secretario xeral do SUP en Galicia, José Freire, estas oficinas non se poden trasladar por un "singular paradoja" e é que un organismo do estado pide un alto aluguer que a Policía non pode pagar por trasladarse ao edificio do Banco de España.
"No es de recibo. No se puede entender una cuestión como esta", lamentou Freire "ese traslado era una solución", e así llo trasladaron ao Subdelegado do Goberno, Antonio Coello.
Relacionadas:
-
O 16 de maio o DNI e os pasaportes deixarán de tramitarse na Comisaría e estrearán sede
Por Natalia Puga |
-
Traslado inminente das oficinas do DNI ao antigo Banco de España
Por Natalia Puga |
-
Reclaman que as oficinas de emisión do DNI se trasladen xa ao antigo edificio do Banco de España
Por Cristina Saiz & Anxo Lourido |
-
O PSOE pide explicacións ao Goberno sobre por que non se trasladou a Xefatura de Tráfico
Por Redacción |