Inauguran o novo colexio do Revel, que terá capacidade para 450 alumnos
Por Oskar Viéitez
Sanxenxo estreou este martes o seu novo colexio, un centro que se construíu no Revel (Vilalonga) e que substuirá ao actual colexio Cruceiro. Foi inaugurado nun acto que estivo encabezado polo presidente da Xunta de Galicia, Alberto Núñez Feijóo.
Na construción deste colexio, o goberno galego -a través do seu departamento de Educación- investiu 4,5 millóns de euros. Está adaptado aos requirimentos do Plan de Nova Arquitectura Pedagóxica, ten capacidade para 450 alumnos e conta con aulas con divisións móbiles que permitirán adaptar os espazos con flexibilidade, en función das circunstancias e atendendo ao contexto covid.
O novo centro abrirá as súas portas este xoves con 211 matriculados.
Construído nunha parcela de 11.346 metros cadrados, conta cun total de 11 aulas, biblioteca, comedor, e ximnasio. "Este é o centro que nos gustaría ter en todos os lugares de Galicia", destacou Núñez Feijóo.
Para o alcalde, Telmo Martín, o novo colexio "conta con todas as comodidades e innovacións" e non dubidou en que a calidade do centro fará que aumenten as matriculacións.
Aproveitando esta inauguración, Feijóo, asegurou que o Fondo de Reserva de Garantía Educativa incrementarase en máis dun 40% ata os 10 millóns de euros, reforzándose para atender posibles continxencias da saída da crise sanitaria.
O titular do goberno galego recordou que hai un ano a administración autonómica "destinou 162 millóns de euros adicionais para garantir o bo funcionamento do curso pasado, aos que se sumaron sete millóns do Fondo de Reserva de Garantía".
De cara o vindeiro curso que está a piques de comezar, Feijóo reiterou o compromiso de poñer á disposición "as medidas de seguridade necesarias" nun ano académico "con máis esperanzas grazas á vacina, pero no que aínda se precisan ferramentas para poder convivir coa covid".
Ademáis cóntase cun novo protocolo covid desde o pasado 9 de xullo e con 1.250 profesores de apoio a través do Plan Recupera.
Relacionadas:
-
O Concello solicitará un módulo de FP de Hostalería e Turismo no antigo colexio de O Cruceiro
Por Redacción |
-
O curso escolar comeza en Galicia con 9.000 estudantes menos que hai dous anos
Por Redacción |
-
A misión imposible de atopar piso para estudantes en setembro en Pontevedra
Por Manu Otero |
-
O campus de Pontevedra roza a "presencialidade total" no inicio do novo curso
Por Redacción |
-
Pontevedra pregunta á Xunta quen asume a limpeza e desinfección dos colexios durante este curso
Por Oskar Viéitez |
-
Sanxenxo estrea o novo colexio do Revel cunha xornada de portas abertas
Por Redacción |