A cidade francesa de La Rochelle tamén se interesa polo modelo pontevedrés
Por Redacción
Cunha tradición histórica importante e unha poboación de preto de 80 mil habitantes, La Rochelle, en Francia, é unha cidade que garda certas semellanzas con Pontevedra.
Precisamente desde esta localidade, capital do departamento de Charente Marítimo, amosaron o seu interese por coñecer o modelo urbano de Pontevedra, que xa é un referente internacional.
Deste xeito, este martes o concelleiro César Mosquera mantiña un encontro telemático con Olivier Prentout, concelleiro de Mobilidade en La Rochelle.
Segundo indican fontes municipais, tratouse dunha conversa amable, onde César Mosquera, en representación do Concello de Pontevedra, achegou a experiencia obtida ao longo das dúas últimas décadas no que se refire a transformación urbana e mobilidade.
Pola súa banda, o representante da cidade gala confesou que se fixara na Boa Vila logo das múltiples reportaxes internacionais que foron aparecendo, en especial en medios franceses.
En La Rochelle están focalizando os seus esforzos nunha mellora da súa cidade, procurando dar un salto cualitativo. Despois de compartir diversas ideas, Prentout manifestou o seu interese en coñecer Pontevedra en persoa e así poder comprobar o conseguido, ofrecendo tamén unha invitación á inversa.
Relacionadas:
-
Lores reclama en Suíza que as cidades "avancen" cara un modelo sostible
Por Redacción |
-
Os arquitectos destacan en Pamplona o "sentido común" do deseño urbano de Pontevedra
Por Redacción |
-
Crece o interese internacional polo modelo cultural de Pontevedra
Por Alejandro Espiño |
-
Asinan en Pontevedra unha alianza estratéxica entre Portos de Galicia e La Rochelle francesa
Por Redacción |