A Escola de Cantería abre o día 13 o prazo de matriculación
Por Redacción
A Escola de Cantería da Deputación de Pontevedra volve a actividade nas instalacións da Caeira. O prazo de matrícula ábrese este desde o día 13 ata o 23, é o último paso de cara ao comezo dun curso que apunta a un crecemento do alumnado atraendo estudantes de distintos puntos de España e mesmo do estranxeiro.
De feito, durante o período de preinscrición, interesáronse polos estudos do centro persoas procedentes de Irlanda, Chequia, Barcelona, Asturias, Pontedeume e varios puntos da provincia de Pontevedra. Unha vez rematado o período de inscrición coñecerase a matrícula definitiva.
Por outra banda, a Escola estrea este ano unhas instalacións profundamente renovadas despois do investimento de 440.000 euros realizado pola Deputación para o cumprimento das normativas sobre riscos laborais, accesibilidade e ruídos.
O curso chega tamén este ano coa posta en marcha dos novos certificados de profesionalidade impulsados pola Deputación e aprobados pola Consellería de Emprego.
Trátase do certificado de nivel 1 (Operacións auxiliares en plantas de elaboración de pedra natural) e nivel 2 (Elaboración de pedra natural). O primeiro ten unha duración de 340 horas de formación teórico-práctica e o segundo doutras 640 horas. Trátase de dous certificados de profesionalidade que enriquecen a oferta docente da Escola.
Relacionadas:
-
A Deputación pide á Xunta que inicie o proceso para que Cantería entre no Catálogo Nacional de Cualificacións
Por Natalia Puga |
-
O PP asegura que a Escola de Canteiros de Poio "está abocada á desaparición"
Por Oskar Viéitez |
-
RADIO.- Un novo grao técnico de pedra natural pode poñer en xaque á Escola de Canteiros
Por Redacción |
-
A Deputación anima á mocidade para descubrir a cantería e valorala como opción de futuro
Por Redacción |
-
O goberno provincial asegura que nunca haberá un título de FP para a Escola de Cantería se non se transfire o centro á Xunta
Por Redacción |
-
O PP reclama en Madrid que se recoñeza a formación da Escola de Cantería de Poio
Por Redacción |