O Concello solicitará un módulo de FP de Hostalería e Turismo no antigo colexio de O Cruceiro
Por Redacción
O goberno local de Sanxenxo está decidido a destinar o antigo colexio O Cruceiro a un módulo de Hostalería e Turismo e dada a amplitude das instalacións acoller o futuro centro sociocultural.
A boa situación no centro de Vilalonga, as posibilidades que ofrecen a ampla parcela e o edificio de 1996 (2.246 metros cadrados), o espazo libre que se gañará ao derrubar os catro edificios antigos e os 1.200 metros cadrados de pistas deportivas son algúns dos argumentos que esgrime o Goberno local para tomar esta decisión.
O Concello iniciará a tramitación da desafectación ante a Consellería de Educación.
Esta opción permitirá dispoñer dun edificio de tres plantas (baixo+2) para acoller o módulo de Hostalería e Turismo que non é posible albergar por falta de espazo no instituto de Vilalonga, un sector no que Sanxenxo é un referente e que quere trasladar á vertente educativa.
O goberno considera que este ciclo podería ser "perfectamente compatible cun uso sociocultural".
No exterior, haberá zonas axardinadas e deportivas "que converterán este recinto nun lugar moi atractivo para a veciñanza de Vilalonga".
O colexio de O Cruceiro componse de 6 parcelas que suman 4.041 metros cadrados e nas que se foron construíndo distintos edificios. O máis antigo en 1956, posteriormente incorporáronse 3 novas parcelas en 1965, en 1975 prodúcese unha nova ampliación das instalacións e, por último, en 1996 construíuse un edificio de 2.248 metros cadrados que é o máis aproveitable pola súa amplitude e bo estado de conservación.
O Goberno local entende que aprofunda remodelación da praza de Vilalonga, a urbanización da zona de O Revel e as actuacións no colexio de O Cruceiro supoñen unha importante mellora urbanística e un triángulo de equipamentos educativos, sociais e deportivos "que redundará na calidade de vida dos veciños de Vilalonga".
Relacionadas:
-
Sanxenxo aspira a conseguir tres millóns para rehabilitar o vello colexio do Cruceiro
Por Redacción |
-
O Instituto de Vilalonga acollerá un novo ciclo de FP Básica Dual de Cociña e Restauración
Por Redacción |
-
Vilalonga disporá dun edificio sociocultural no antigo colexio
Por Redacción |
-
O Obradoiro de Hostalería do Salnés rexistra unha media de 5 ofertas de traballo por cada alumno
Por Redacción |
-
Inauguran o novo colexio do Revel, que terá capacidade para 450 alumnos
Por Oskar Viéitez |
-
Sanxenxo estrea o novo colexio do Revel cunha xornada de portas abertas
Por Redacción |
-
A urbanización do Revel, "unha mostra da nova forma de facer as cousas"
Por Redacción |