Marín garda dous millóns de euros para posicionarse como vila turística
Por Redacción
O Concello de Marín apostará polo turismo. O goberno local fai pública súa concurrencia aos fondos dos Plans Turísticos de Sostibilidade en Destino (PSTD) a través dun plan propio no que se englobe unha batería de actuacións cos que posicionar a Marín como unha cidade con identidade turística.
Para identificar as principais ventás de oportunidade que ten a vila para crecer a nivel turístico, o Goberno local aproveitou os meses de verán para manter contacto estreito co sector privado e institucional e así detectar necesidades e ir trazando as actuacións que, finalmente, formarán parte da estratexia, á que o Concello asocia unha inversión necesaria de 2 millóns de euros.
Precisamente, a participación do sector na elaboración deste plan é un factor clave para o executivo que dirixe María Ramallo, que convocou unha mesa de participación para o mércores 15 de setembro pola tarde na que a alcaldesa presentará as liñas mestras do plan aos representantes do sector en Marín, para que poidan aportar a súa visión e mostrar o seu apoio a esta estratexia, que terá un desenvolvemento de varias anualidades, cun horizonte marcado no 2022-2024.
A situación estratéxica da vila, en pleno corazón das Rías Baixas e cercana a núcleos de poboación de maior envergadura, como Pontevedra, Vigo ou Santiago de Compostela, permite que se poida posicionar como un destino de escapada ou de proximidade.
Precisamente, toda a estratexia xirará en torno a potenciar ese tipo de turismo de calidade, coñecido como o turismo slow en destino, que se contrapón ao modelo de turismo de masas e que se centra no patrimonio, a cultura, o ocio sostible, os espazos naturais e a gastronomía local.
Para iso, plantexarase a xeración de novos produtos e equipamentos turísticos, pero sempre tendo en conta a idea de terreo sostible, incorporando en todo momento a dimensión ambiental en todas as accións do plan.
As actuacións que se incorporarán no plan articularanse en base a catro eixos: transición verde e sostible, eficiencia enerxética, transición dixital e competitividade.
Ramallo adiantou que despois da reunión que se manterá co sector, presentaranse as actuacións concretas do plan de xeito público a toda a cidadanía.