O Museo Torres de Marín expón os seus tesouros
Por Redacción
O Museo Manuel Torres de Marín vai expoñer durante os próximos quince días unha selección das obras da súa colección. A concelleira responsable do Museo, Itziar Álvarez, explica que a motivación desta exposición, denominada “Os fondos do Museo”, vén motivada por sacar á luz “todas esas doazóns de obras que fixeron moitos artistas ao longo dos 30 anos de vida do noso museo municipal”.
Na sala 1, exporanse retratos e debuxos de persoas, como Esperón ou Sabela Canitrot, mentres que a sala 2 estará adicada a Marín, pois son moitos os pintores que levaron os seus lenzos recunchos da vila como Gabriel Barros ou Estévez. No corredor, o mar e as esceas mariñas propias dos cadros de Gulías serán as protagonistas.
Na sala 3 poderá verse unha miscelánea, con distintos estilos como o de Miguel Villanueva. A sala 4 estará adicada a lugares, algúns tan recoñecibles como o Pórtico de la Gloria de Villafinez, recentemente restaurado. E finalmente, na sala 5 poderán verse paisaxes, ese verde tan característico da paisaxe galega de Pedrosa ou Descamps.
Relacionadas:
-
O Museo Manuel Torres estrea imaxe
Por Redacción |
-
O Museo Manuel Torres moderniza as súas instalacións e estrea unha nova imaxe
Por Redacción |
-
Rayden ofrecerá en Marín o seu único concerto este ano en Galicia
Por Alejandro Espiño |
-
Marín inicia esta fin de semana un amplo programa festivo
Por Redacción |
-
Un cadro restaurado e un vídeo para celebrar o 120 aniversario de Manuel Torres
Por Redacción |