Un domingo para camiñar pola cidade con PonteSán e a primeira das PonteAndadas
Por Redacción
Domingo con sol e boa temperatura. Pontevedra amenceu este 19 de setembro coas condicións perfectas para botarse a camiñar, e moitos é o que fixeron grazas ás dúas andainas previstas.
Unha delas, a primeira Andaina Solidaria PonteSán 'Un camiño de tod@s e para tod@s', contou coa participación de máis de 60 persoas. Tratábase dunha actividade incluída dentro da feira da saúde que se celebrou vos últimos días e pensada para todos os públicos.
Os participantes, entre eles o concelleiro de Deportes Tino Fernández, percorreron 3,7 quilómetros do Camiño de Santiago a través da variante de Alba, pasando pola Praza da Peregrina, ponte do Burgo, paseo peonil da Xunqueira de Alba, ponte das Correntes e a rúa Arcebispo Malvar antes de chegar á Praza de España.
Por outra banda este domingo era o día escollido para a primeira das citas das Ponteandadas 2021, contando con 156 rexistrados. Todos eles partiron desde Monte Porreiro para percorrer 10 quilómetros na contorna do río Lérez a través das parroquias de Mourente e Bora.
Ponteandadas terá continuidade os días 10 e 24 de outubro con itinerarios previstos polo río dos Gafos e polo monte da Fracha respectivamente, mentres que o 7 de novembro preparouse un roteiro polo Pontillón do Castro e o 21 de novembro polo parque forestal da Tomba.
Relacionadas:
-
Loitar contra a depresión pospandémica, empeño da III Feira PonteSán
Por Mónica Patxot & Anxo Lourido |
-
Ponteandadas, un programa en feminino que terá continuidade o vindeiro ano
Por Redacción |
-
Ponteandadas bota o peche á súa edición de 2021 con concorrida andaina polo parque forestal da Tomba
Por Redacción |
-
Máis de 150 persoas coñecen o parque forestal da Fracha a través dunha Ponteandada
Por Redacción |
-
166 persoas participaron na camiñada de Ponteandadas polo río dos Gafos
Por Redacción |
-
Ponteandadas retoma as rutas este domingo coas prazas esgotadas
Por Redacción |
-
PonteSán despide a súa segunda edición reclamando a volta das citas médicas presenciais
Por Redacción |
-
Pontesán inaugura a súa segunda edición centrada no benestar emocional, a alimentación e o deporte
Por Redacción & Mónica Patxot |
-
Regresan as Ponteandadas tras o parón da pandemia
Por Mónica Patxot & María José Pita |
-
Pontesán pon o foco na saúde mental, a alimentación saudable e o exercicio físico
Por Manu Otero |