A Escola Naval Militar quere ser "un foco de coñecemento que inflúa favorablemente na provincia"
Por Oskar Viéitez
A presidenta da Deputación de Pontevedra, Carmela Silva, e o comandante director da Escola Naval Militar, Pedro Cardona, abriron este martes as portas a novas liñas de colaboración entre ambas institucións.
Segundo informa o gabinete de comunicación da Deputación de Pontevedra, nesta nova etapa "apostarán porque o coñecemento, a innovación tecnolóxica e o desenvolvemento de proxectos de Intelixencia Artificial que marcan a formación no centro naval se visibilicen e repercutan de xeito directo en toda a provincia de Pontevedra".
Dito doutro xeito, colaborarán para "ofrecer novas fontes de coñecemento á cidadanía que repercutan de xeito favorable nas súas vidas así como da importancia da incorporación de mulleres as aulas da Escola Naval". Durante o encontro Cardona sinalou que o número de alumnas na Escola agora está en torno ao 12,5%.
Pedro Cardona definiu a reunión con Carmela Silva como un encontro "que foi alén da tradicional cooperación institucional e coa que quixemos concretar cousas máis tanxibles para que a Escola Naval sexa un foco de coñecemento que inflúa favorablemente na provincia de Pontevedra".
Ademais, nesta entrevista fixaron xa unha próxima visita de Carmela Silva a este centro militar de Marín.
Relacionadas:
-
Condenado un guardiamarina a catro anos de prisión por gravar a alumnas con cámaras ocultas na Escola Naval
Por Oskar Viéitez |
-
Benvida da alcaldesa aos novos estudantes da Escola Naval Militar
Por Redacción |
-
Pontevedra dá a benvida ao novo director da Escola Naval
Por Redacción & Mónica Patxot |
-
Substitución no mando da Escola Naval de Marín coa transformación dixital como reto inminente
Por Redacción |