Vilanova terá o primeiro pump-track do Salnés
Por Redacción
O Concello de Vilanova comezou esta semana as obras de instalación do que será o primeiro pump-track da comarca do Salnés. Concretamente, o circuíto estará situado nas Sinas, onde o goberno municipal quere reactivar esta zona ademais de fomentar a actividade deportiva na mocidade.
Nun contexto deportivo, o pump-track é un circuíto de pequenas dimensións, que se pode percorrer completamente cun monopatín sen impulsarse co pé ou cunha bicicleta sen a necesidade de dar pedais. Soamente coa inercia dos saltos e peraltes do circuíto, os skater e ciclistas farán mostra das súas habilidades.
O proxecto irá acompañado da instalación de novas pistas deportivas onde fai 30 anos estaba o campo de fútbol das Sinas.