Galicia recupera o 'certificado covid' para o lecer nocturno
Por Alejandro Espiño
Se se cumpren as previsións da Xunta de Galicia, a partir da próxima fin de semana para acceder ao locais lecer nocturno, pubs e discotecas fundamentalmente, pedirase o 'certificado covid' que acredite contar coa pauta completa de vacinación.
Así o avanzou o conselleiro de Sanidade, Julio García Comesaña, que defende que esta medida vén avalada pola recente sentenza do Tribunal Supremo.
A intención do goberno galego é que o comité clínico aborde este martes o novo protocolo de actuación para o lecer nocturno que, ademais de recuperar o uso do certificado, permitirá ao sector pechar unha hora máis tarde, ás catro da madrugada e aumentar aforos.
As autoridades consideran "prudente" fixar este novo horario nunha "primeira etapa", pero García Comesaña avanzou que este límite poderá ser revisado en calquera momento.
Ademais do lecer nocturno, a Xunta quere ampliar o uso deste 'certificado covid' para regular o acceso, entre outros, a hospitais e residencias da terceira idade.
A Xunta confía en que estas restricións contribúan a "impulsar" a vacinación entre o segmento poboacional entre 20 e 39 anos que, segundo Sanidade, "está por baixo da media".
Ata o momento, o 93,5% da poboación diana de Galicia (maiores de 12 anos) recibiron polo menos unha dose da vacina, mentres que o 91,5% ten a pauta completa.
Relacionadas:
-
As vacinas déronnos un respiro fronte á pandemia
Por Alejandro Espiño |
-
Principio do fin do pago en efectivo no lecer nocturno pontevedrés
Por Manu Otero |
-
O TSXG autoriza a Xunta a esixir o certificado COVID-19 para acceder aos locais que abran ata as catro da mañá
Por Oskar Viéitez |
-
A Discoteca La Luna, pechada durante 18 meses pola pandemia, volverá abrir en novembro
Por Manu Otero & Mónica Patxot |
-
A terceira dose da vacina contra a covid-19 xa chegou a todas as residencias pontevedresas en tan só unha semana
Por Natalia Puga |
-
Luz verde á flexibilización do lecer nocturno, que abrirá ata as 4 da madrugada cun aforo do 75%
Por Manu Otero |
-
O deceso dunha muller de 89 anos en Montecelo eleva a 205 o número de vítimas mortais con covid na área
Por Redacción |
-
A área sanitaria segue reducindo a incidencia da pandemia, pero a presión hospitalaria enquístase
Por Natalia Puga |
-
Sanidade administra 1.800 doses de vacina na fin de semana, entre pacientes sen cita, residencias e autocita
Por Redacción |
-
Máis aforo para o lecer nocturno, que poderá abrir ata as catro da madrugada
Por Alejandro Espiño |