Traballadores de ENCE tentan sen éxito forzar unha reunión con Pedro Sánchez: "a vontade de diálogo é nula"
Por Redacción
Creada e actualizada
Creada e actualizada
"Vemos a vontade clara do Goberno e a vontade do Goberno é o peche". Con esta frase resumía este venres a súa frustración Ana Cedeira, a presidenta do comité de empresa de oficinas de Ence, tras tentar forzar unha reunión co presidente do Goberno, Pedro Sánchez, aproveitando a súa presenza na Toxa con motivo da súa participación no ‘Foro La Toja’.
Ao redor de 200 traballadores dos dous comités de Ence en Pontevedra, do sector forestal e das empresas auxiliares manifestáronse no Grove. A súa intención era acudir ata o centro de convencións no que se celebra o Foro, pero os controis de seguridade realizados pola Garda Civil tan só lles deixaron achegarse ata a ponte de entrada á Toxa. Alí, lograron contactar co departamento de Protocolo da Presidencia do Goberno e entregarlle unha copia do manifesto que os traballadores da sección sindical de CC.OO. van entregar no Tribunal Supremo con motivo do proceso xudicial que segue sobre a prórroga para a permanencia da fábrica en Lourizán.
Segundo explicou Ana Cedeira (CC.OO.), logrou o compromiso de que ese documento chegará ao secretario persoal de Pedro Sánchez para poñerlle ao tanto da súa situación actual tras a sentenza da Audiencia Nacional que anulou a prórroga concedida polo Goberno en funcións de Mariano Rajoy para a permanencia en Lourizán. Tamén pediron poder ter un encontro con el "polo menos de cinco minutos", pero non o lograron.
Tras ese intento, "a sensación é de auténtica frustración", explicaban, pois "vemos que o presidente do Goberno ten unha intención clara e é que se acate a sentenza e iso o que vai supoñer é o peche". Así as cousas, fían todas as súas esperanzas ao resultado da decisión xudicial, pois "a vontade política do Goberno e a vontade de diálogo é nula".
O presidente do comité de fábrica, Toño Lafuente (CIG), sinala que a súa intención coa protesta deste venres era "visibilizar" o conflito actual que existe sobre o futuro da fábrica e a delicada situación na que se atopan os traballadores.
Ante este momento crucial, e á espera da resolución do Tribunal Supremo, Lafuente lembra que están "abertos a calquera solución que garanta os postos de traballo", unha mensaxe na que levan insistindo meses. Nestes momentos, fían a solución á mesa de diálogo aberta e sinala a súa intención de contactar coa Subdelegación do Goberno en Pontevedra para que se reactive. O pasado 10 de setembro, na última reunión, o compromiso foi volver citalos en 15 días e, ao 1 de outubro, seguen sen noticias do Ministerio para a Transición Ecolóxica, por iso urxen avances.
"Os tempos apremian", lembra o presidente do comité de fábrica, que, ademais, sinala que a empresa pasteira portuguesa Altri acaba de anunciar a creación dunha fábrica de fibras téxtiles a partir de madeira en Galicia dentro da aposta da Xunta de Galicia para os fondos europeos de recuperación Next Generation. Este proxecto aumenta todos os temores dos traballadores
Para buscar una solución, "ten que vir alguén cunha proposta seria enriba da mesa". Lafuent lembra por exemplo, que, agardando equivocarse, a proposta de adherir Ence ao Porto de Marín podería ter pouco percorrido porque xa hai informes contrarios do ano 2005.
Nestes momentos do proceso, no que o Tribunal Supremo debe decidir se admite a trámite o recurso contra a sentenza da Audiencia Nacional, Ana Cedeira que para o Goberno "a única vontade que hai é a do tratado e o traslado non é posible e a empresa vai pechar". Desta forma, a responsabilidade do peche sitúana no tellado do Executivo central.
"O Goberno central é quen ten a responsabilidade de buscar unha solución xurídico administrativa", lembra Cedeira.
Relacionadas:
-
A Toxa, de novo escenario do 'cara a cara' entre González e Rajoy
Por Redacción |
-
A espada de Damocles que pende sobre ENCE
Por Alejandro Espiño |
-
Transición Ecolóxica baralla unha saída "ordenada" e un calendario "razoable" de demolición para ENCE
Por Alejandro Espiño |
-
Terceira sentenza da Audiencia Nacional que anula a prórroga concedida a ENCE
Por Alejandro Espiño |
-
O Goberno comprométese a crear un informe con alternativas para unha nova ubicación de Ence que contaría con financiación estatal
Por Mónica Patxot & Anxo Lourido |
-
A Xunta eleva ao Consello Consultivo de Galicia a consulta sobre a viabilidade de adscribir ENCE ao Porto de Marín
Por Natalia Puga |
-
ENCE considera "unha boa noticia" o apoio da Autoridade Portuaria á adscrición dos terreos que ocupa a fábrica
Por Redacción |
-
A sección sindical de CC.OO. en Ence asegura que adscribir a fábrica ao porto é "legal"
Por Manu Otero |
-
A APDR traslada a súa preocupación ao Consello Consultivo ante os "intentos do Goberno galego por favorecer a Ence"
Por Redacción |
-
O PSOE reclama á Xunta no Parlamento unha alternativa "real" para Ence
Por Redacción |
-
Conde acusa a Concello e Goberno central de non asumir responsabilidades na busca de solucións para Ence
Por Redacción |
-
ENCE provisiona 196 millóns polo impacto dun eventual peche da fábrica de Pontevedra
Por Oskar Viéitez |