O BNG de Ponte Caldelas demanda Atención Primaria "de calidade" no concello
Por Redacción
Este sábado o BNG de Ponte Caldelas mobilizouse nunha concentración "en defensa da Sanidade Pública e de calidade diante do desmantelamento da Atención Primaria, que o PP e a Xunta de Galiza teñen pensado espallar nos vindeiros meses".
Na concentración que tivo lugar na alameda de Ponte Caldelas, denunciáronse os recortes en material e persoal no centro de saúde.
A voceira nacionalista Sol Seoane, solicitou "a necesaria presencialidade" nas consultas, que se cubran as dúas prazas do persoal facultativo xubilado nos últimos meses e a presencia da pediatra todos os días da semana.
A voceira do BNG anunciou novas accións para demandar a atención sanitaria "de calidade" neste concello.