Borrascas atlánticas deixarán precipitacións no inicio da semana nas Rías Baixas
Por Redacción
Este luns 4 de outubro, as Rías Baixas atópanse baixo a influencia das borrascas atlánticas con ventos do suroeste. Segundo as predicións do servizo de Meteogalicia, os ceos presentaranse parcialmente cubertos con choivas máis frecuentes na metade oeste de Galicia. As temperaturas situaranse entre mínimas de 13 e máximas de 20 graos.
Durante o martes, Galicia irá quedando progresivamente na influencia das altas presións. A xornada comezará con ceos parcialmente cubertos e algún chuvasco ocasional e co avance da xornada iranse abrindo grandes claros, sen choivas. As temperaturas mínimas experimentarán un moderado ascenso mentres que as máximas apenas sufrirán cambios, para establecerse entre os 16 e os 20 graos. O vento soprará frouxo do noroeste.
Xa o mércores 6, as altas presións presentaranse en toda Galicia, con ventos que soprarán de compoñente leste. A xornada iniciarase con algún intervalo de nubes baixas e néboas que darán paso a ceos pouco nubrados ou despexados. As temperaturas moveranse entre os 10 e os 22 graos.
De fronte ao final da semana, a influencia anticiclónica quedará patente nas Rías Baixas, cun descenso das probabilidades de choivas e temperaturas que ascenderán ata mínimas de 14 e máximas de 24 graos.