Unha ciclista de 16 anos sofre feridas ao ser atropelada na avenida de Compostela
Por Redacción
Unha menor de 16 anos, que circulaba coa súa bicicleta pola avenida de Compostela cara ao seu centro educativo na Xunqueira, resultaba ferida na mañá deste mércores 6 de outubro ao redor das 09.00 horas.
Fuentes municipais indican que un turismo golpeou á ciclista cando se atopaba na zona do paso de peóns, nas proximidades ao Pavillón dos Deportes.
Como consecuencia do impacto, a moza caeu sobre a calzada. Sufriu danos no cóbado e tamén sangraba polo nariz no momento en que acudiu unha ambulancia ata o lugar do accidente. Foi trasladada ao Hospital de Montecelo para unha observación sanitaria para determinar a gravidade das feridas.
Desde a Policía Local, que acudiu cunha patrulla ata a zona, informouse o centro educativo ao que acudía a moza e aos seus titores.