Arde un camión de Froiz na AP-9 á altura de Caldas
Por Oskar Viéitez
O incendio dun camión de Froiz que circulaba este venres pola AP-9, á altura de Carracedo en Caldas de Reis, obrigou a cortar no punto o carril dereito da autoestrada.
O 112 confirmou que o condutor do vehículo resultou ileso e o incendio afectou á cabina e parte da carga.
A Dirección Xeral de Tráfico informou que o incendio tivo lugar sobre as 8,30 horas deste luns á altura do quilómetro 102.9 no lugar de Cope, na parroquia de Carracedo sentido Santiago de Compostela. Como consecuencia do suceso tivo que ser cortado un carril da autoestrada.
Foron mobilizados diversos medios de extinción e de Protección Civil de Caldas e Padrón, así como efectivos da Garda Civil de Tráfico e do servizo de mantemento de estradas.