Pontevedra estreará en decembro o seu propio evento 'gamer'
Por Alejandro Espiño
O Pazo da Cultura será o escenario no que se desenvolva o que será o primeiro evento 'gamer' que se celebra en Pontevedra. Trátase de PING (PonteInGames), que se celebrará entre os días 2 e 4 de decembro, segundo avanza o Concello.
Torneos, conferencias sobre videoxogos ou emisións en streaming conformarán o programa de actividades deseñado polos organizadores destas xornadas, a produtora Volvemos a Primera.
Con este evento, Pontevedra busca situarse como un referente galego dos videoxogos, apostando por unha cita ineludible para os numerosos amantes deste universo, que poderán competir en diversos xogos, escoitar a expertos e compartir experiencias.
A concelleira de Promoción Económica, Yoya Blanco, asegura que se trata dun evento "moi agardado" que tivo que demorarse ata que se desen as condicións axeitadas para celebrarse.
"PonteInGames é un deses proxectos que iniciamos sabendo que atraerá á cidade a moitísima xente do noso contorno e do resto de Galicia e do que agardamos que se consolide e creza noutras edicións, que de seguro as haberá", sinala a edil socialista.
Relacionadas:
-
RADIO.-Sirio Sesenra, creador e divulgador de xogos de rol: "En Galicia hai un rol superpotente"
Por Marisa Ciordia |
-
'Ping PonteInGames', un evento para demostrar que "os videoxogos non son só para nenos"
Por Diego Espiño |
-
Gaming na Rúa achega a cultura do videoxogo a Pontevedra
Por Redacción |
-
A obra do ilustrador Manel Cráneo salta desde Pontevedra aos videoxogos
Por Redacción |
-
Torneos, experiencias de simulación de carreiras e concursos de cosplay converterán Marín en capital do videoxogo
Por Redacción |
-
Recrean unha réplica xogable do estadio de Pasarón para o videoxogo Pro Evolution Soccer
Por Manu Otero |