Restauración de Pontevedra contaxia o seu conflito a diferentes Escolas Artísticas de toda España
Por Oskar Viéitez & Mónica Patxot
Huesca, Valencia, Madrid... como fichas dun dominó, unha tras outra, van caendo diferentes Escolas Artísticas de toda España que seguindo o exemplo da Escola Superior de Conservación e Restauración de Pontevedra reclaman uns estudos superiores dentro do Espazo Europeo de Educación Superior ou adscrición á universidade.
Na actualidade, estes centros son dependentes da Consellería de Educación e o seu regulamento orgánico é o mesmo polo que funcionan os institutos de Educación Secundaria.
En España hai 95 escolas que imparten Arte Dramática, Artes Plásticas, Conservación e Restauración, Danza, Deseño ou Música, en todas elas os profesores e alumnos mostran dende hai anos a súa preocupación pola "indefinición" na que se encontran, pero as protestas iniciadas polos alumnos de Pontevedra e o eco que tiveron nos medios de comuniciación, acenderon a mecha convertendo un problema local nun conflito colectivo.
Este martes en rolda de prensa os representantes do alumnado, Candela Alvarellos e Javier Peribáñez, xunto ao director da Escola, Fernando Carrera, informaron da súa intención de presentar unha denuncia contra a Consellería de Educación e Ordenación Universitaria, convencidos de que a razón os asiste e que "imos gañar, seguro".
Relacionadas:
-
A Escola de Restauración saca as súas reivindicacións á rúa
Por Oskar Viéitez |
-
Dimite a dirección da Escola de Restauración ante as dúbidas sobre o futuro do centro
Por Redacción |
-
O PP rexeita a titulación universitaria para a Escola de Restauración no Parlamento
Por Redacción |
-
A Escola de Restauración inicia unha "marcha imparable" ata Santiago
Por Redacción |
-
Cadea humana dos alumnos da Escola de Restauración polo centro histórico
Por Anxo Lourido & Mónica Patxot |