Rueda, sobre ENCE: "A fábrica é o de menos, o importante son os postos de traballo"
Por Alejandro Espiño
Para Alfonso Rueda que desde Transición Ecolóxica se fale xa abertamente da "demolición" da fábrica de Ence resulta "sorprendente" ao entender que se trata dunha "insensibilidade absoluta" cando, ademais, este asunto aínda esta xudicializado.
"Non é demoler unha fábrica, estamos a falar de moitísimos postos de traballo", sinalou Rueda, preguntado sobre o recente pronunciamento do ministerio tras a terceira sentenza que anula a prórroga concedida á pasteira ata 2073.
O vicepresidente galego considera que o Goberno "non é consciente" de que "o que están a demoler son postos de traballo, sen alternativa".
Tras lembrar que está pendente aínda o ditame do Consello Consultivo de Galicia sobre a posible adscrición dos terreos de Ence ao porto de Marín, o dirixente autonómico reiterou que "isto é un problema xurídico" para o que a Xunta explora solucións.
"Se nos din que non é posible, acabouse e haberá que buscar outra, pero se nos di que é posible, tiraremos por aí porque é unha posibilidade de salvación de postos de traballo", subliñou Alfonso Rueda, que lamenta que o Goberno non queira esperar a sabelo.
Rueda apuntou que "oxalá fora tan rápido para outras cousas que importan a moita xente moitísimo máis que demoler unha edificación, que deixaría sen alternativa a miles de familia que traballan agora mesmo e dependen dela".
A este respecto, o vicepresidente da Xunta apuntou que "a fábrica é o de menos, o importante son os postos de traballo" para o que entende que "non hai outra alternativa" que a que defende agora o goberno galego "e que foi desprezada sen ningún tipo de explicación".
Relacionadas:
-
Concentración para demandar á dirección de Ence que manteña a quenda de noite na portería da fábrica
Por Mónica Patxot & Redacción |
-
Rafa Domínguez: "Entendo que a Feijóo lle valla que Ence quede en Galicia, pero a min non. Para Pontevedra é un drama"
Por Natalia Puga |
-
O Consello Consultivo ve "perfectamente viable" adscribir a fábrica de ENCE ao porto de Marín
Por Alejandro Espiño |
-
Feijóo, "máis tranquilo" tras comprometerse Teresa Ribera a que ENCE "quede en Galicia"
Por Natalia Puga |
-
Os traballadores de ENCE defenderán a fábrica "con uñas y dientes" ante o "acoso" do Goberno
Por Alejandro Espiño |
-
O Concello ve "lóxico" ir pensando no desmantelamento de ENCE e traballar "paralelamente e de forma seria" no traslado
Por Natalia Puga |
-
A APDR calcula que, de facerse firme a sentenza, en 2023 debe parar a actividade de Ence en Lourizán
Por Anxo Lourido |
-
Transición Ecolóxica baralla unha saída "ordenada" e un calendario "razoable" de demolición para ENCE
Por Alejandro Espiño |