Mosquera censura o informe "esotérico" do Consello Consultivo sobre ENCE
Por Alejandro Espiño
O Concello de Pontevedra amosou a súa "sorpresa" pola "axilidade" no que se emitiu o informe do Consello Consultivo de Galicia sobre a posibilidade de incluír a fábrica de Ence dentro do ámbito territorial do porto de Marín.
"Entrou o escrito do presidente o mércores e o luns estaba feito", explicou César Mosquera, quen reflexionou que "non fai falta aclarar o que significa" e concluíu que este tipo de prácticas "só redundan no desprestixio da institución".
Tras sinalar que, a pesar do trasladado pola Xunta, este ditame non foi unánime, Mosquera asegurou que "estaba claro" que o Consello Consultivo "ía sacar unha opinión esotérica".
O edil do BNG rebateu ademais a afirmación de que o Concello de Pontevedra tamén acude a ese órgano administrativo, porque recordou que é "obrigatorio" no caso de afeccións patrimoniais ou revisións de licencias, "pero non sempre lles facemos caso".
Unhas das últimas consultas foi relativa ao edificio residencial de Michelena 20, no que o Consello Consultivo acordaba a revogación da licenza e a demolición do edificio, e o Concello non seguiu ese criterio, que finalmente tamén foi rexeitado pola xustiza.
O concelleiro afirmou, polo tanto, que o percorrido do informe do Consello Consultivo é "ningún" e de habelo sería "fraude de lei e desviación de poder".
Esta vía, engadiu, "non ten nin un 0,1% de posibilidades que prospere".
Relacionadas:
-
O BNG pide á Xunta que comece a "traballar en serio" na recuperación medio ambiental dos terreos de ENCE
Por Oskar Viéitez |
-
Traballadores de ENCE cortan o tráfico arredor da fábrica para esixir solucións
Por Anxo Lourido & Alejandro Espiño | Creada e actualizada
-
CCOO recusa a Hugo Morán como interlocutor na Mesa sobre Ence ao temer que quere pechar a fábrica de Lourizán para favorecer a Asturias
Por Anxo Lourido |
-
A APDR resta importancia á reunión entre Feijóo e Teresa Ribera: "deixa as cousas practicamente igual que estaban"
Por Redacción |
-
Rafa Domínguez: "Entendo que a Feijóo lle valla que Ence quede en Galicia, pero a min non. Para Pontevedra é un drama"
Por Natalia Puga |
-
O Consello Consultivo ve "perfectamente viable" adscribir a fábrica de ENCE ao porto de Marín
Por Alejandro Espiño |