Operativo especial de tráfico en Poio pola festividade de Defuntos
Por Redacción
A Policía Local de Poio deseñou un dispositivo especial para controlar o tráfico nas proximidades dos cemiterios do municipio.
Implantarase a dirección única en rúas próximas aos camposantos, para axilizar o tránsito de vehículos e evitar aglomeracións. Ademais, habilitaranse prazas de estacionamento para persoas con problemas de mobilidade.
En San Salvador, a entrada ao cemiterio será desde a estación de servizo de Albar e a saída a través do CEIP Viñas, para evitar colapsar a estrada PO-308. En Samieira, cortarase temporalmente o Camiño Vello ata o Camiño Novo, para facilitar tamén a entrada e saída de vehículos. En Chancelas, a dirección única será no Camiño da Escola, en sentido ascendente ata Costa de arriba.
Os cemiterios estarán abertos desde as 9.00 ás 21.00 horas e nas entradas dispoñerase dunha zona de servizos para parar e deixar na porta persoas con dificultades de mobilidade.
O operativo será o domingo día 31 e o luns día 1 día de Todos os Santos.